कैलारीमे स्थानीय शिक्षा समुह गठन
पहुरा समाचारदाता
हसुलिया, ९ अगहन । कैलारी गाउँपालिकामे स्थानीय शिक्षा समुह गठन कैगिल बा ।
कैलारी गाउँपालिकाके आयोजनामे सामुदायिक विकास केन्द्र (सिडिसी) डोटीके प्राविधिक सहयोगमे अँटवारके रोज हसुलियामे हुइल गुणस्तरीय शिक्षा लाग विद्यालय क्षेत्र योजना तथा बजेट निर्माणमे स्थानीय सरकारके क्षमता अभिवृद्धि कार्यक्रम अन्र्तगत ‘स्थानीय शिक्षा समुह गठन÷शिक्षा समुह सञ्चालन निर्देशिका सम्बन्धी अभिमुखीकरण कार्यक्रम कैगिल हो ।
स्थानीय शिक्षा समुहके संयोजकमे गाउँपालिका उपाध्यक्ष भगवतीकुमारी चौधरी रहल बटी ।
सदस्यमे प्रमुख प्रशासकीय अधिकृत खगेन्द्रराज जोशी, स्वास्थ्य शाखा प्रमुख नरेशकुमार चौधरी, सुनहरा ताल आधारभूत विद्यालयके प्रअ महेन्द्र चौधरी कालिका इंगलिस बोर्डिङ स्कूलके प्रअ, जनकल्याण माविके विद्यालय व्यवस्थापन समितिके अध्यक्ष प्रेमबहादुर चौधरी, लक्ष्मी माविके विद्यालय व्यवस्थापन समितिके अध्यक्ष अनिता चौधरी रहल बटै । ओस्टेक और सदस्यमे नेपाल रेडक्रस सोसाइटी कैलारी उपशाखाके प्रतिनिधि, स्थानीय संचारकर्मी पहुरा दैनिकके सम्पादक प्रेम चौधरी, नवजिवन सेवा संघके प्रतिनिधि, सामुुदायिक विकास केन्द्र डोटीके प्रतिनिधि, कैलारी गाउँपालिका स्तरीय अपांग सञ्जालके प्रतिनिधि ओ शिक्षा यूवा तथा खेलकुद शाखाके प्रमुख गणेश प्रसाद मिश्र सदस्य सचिव रहल बटै ।
‘स्थानीय शिक्षा समुह गठन÷शिक्षा समुह सञ्चालन निर्देशिका सम्बन्धी सहजीकरण सिडिसीके कार्यक्रम प्रवन्धक हर्कबहादुर ऐर करल रहिट ।
गाउँपालिका उपाध्यक्ष भगवतीकुमारी चौधरीके अध्यक्षतामे हुइल कार्यक्रममे प्रमुख प्रशासकीय अधिकृत खगेन्द्रराज जोशी, वडा नम्बर २ वडा अध्यक्ष विकास चौधरी, वडा नम्बर ४ के वडा अध्यक्ष ठागुराम चौधरी, वडा नम्बर ५ वडा अध्यक्ष विष्णु प्रसाद चौधरी, वडा नम्बर ६ के वडा अध्यक्ष प्रेमबहादुर चौधरी, वडा नम्बर १ कार्यवाहक वडा अध्यक्ष तुल्सी प्रसाद चौधरी, कार्यपालिका सदस्य सुन्दरी चौधरी, शिक्षा यूवा तथा खेलकुद शाखाके प्रमुख गणेश प्रसाद मिश्र, सिडिसीके अनुगमन अधिकृत भागरती जोशी, गाउँपालिकाके स्वास्थ्य शाखा प्रमुख नरेश कुमार चौधरी, महिला तथा बालबालिका शाखा प्रमुख बालकुमारी चौधरीलगायतके सहभागिता रहे ।
कार्यक्रममे संचालन सामाजिक विकास शाखा प्रमुख यगम कलेल करल रहिट ।
स्थानीय शिक्षा समुहसे स्थानीय तह भिटरके विद्यालय शिक्षाके प्रभावकारिताके लाग शिक्षा विकास तथा समन्वय इकाई विद्यालय, विद्यालय व्यवस्थापन समिति संग समन्वय कैना जनागिल बा ।
विपदके समयमे शैक्षिक गतिविधि संचालनके लाग आवश्यक शसक्तीकरण कैना, विपदके समयमे सम्बन्धित निकायके समन्वयमे रहिके शिक्षण प्रशिक्षणके लाग आवश्यक सामाग्रीके संकलन कैना जनागिल बा ।
शिक्षा क्षेत्रमे हुई पर्ना सुधारके लाग आवश्यक सुझाव डेना, स्थानीय स्तरमे शैक्षिक गुणस्तकरके लाग गठित शिक्षा क्षेत्रसंग सबन्धित निकायमे समन्वय कैना जनागिल बा ।
विपदके समयमे करेपर्ना कार्य, प्रभावित हुइना बालबालिकाके विवरण संकलन कैना, विपदके समयमे प्रभावित बालबालिकाके व्यवस्थापनके लाग सहजीकरण कैनालगायत कार्य कैना जनागिल बा ।
