थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

जन्डिस रोग नैहो, एक लक्षण हो !

पहुरा | १२ पुष २०८१, शुक्रबार
जन्डिस रोग नैहो, एक लक्षण हो !
जन्डिस अर्थात पीलिया जौन छाला, आँखी ओ मुहके भिटर भाग हरडयार हुइना अवस्थाहे जनाइठ, प्रायःजन्डिसहे रोगके रूपमे बुझ्न करजाइठ मने चिकित्सकहुक्रे कहठै कि जन्डिस कौनो रोग नैहो, यी टे शरीरमे रहल कौनो गम्भीर समस्याके संकेत कैना एक लक्षण हो । यीबारे सही जानकारीले रोगके सही निदान ओ उपचारमे सहयोग पुगाइ सेकठ ।
शरीरमे बिल्लिरुबिन नामक रसायनके मात्रा ढेर हुइना अवस्था हो । बिल्लिरुबिन लाल रगतके कोषिका टुटेबेर बन्ना हरडयार पदार्थ हो । सामान्य अवस्थामे यी कर्जा (कलेजो) मे प्रशोधन हुके पित्तनलीके माध्यमसे शरीरहे बाहेर जाइठ । मने, कलेजो यी प्रक्रिया प्रभावकारी रूपमे काम करे नैसेकेबेर शरीरमे बिल्लिरुबिन ढेर मात्रामे जम्मा हुइठ, जिहीसे छाला ओ आँखी हरडयार विल्गाइठ । 

१. कलेजो से आघेक कारण (प्रि–हेपाटिक): मलेरिया, सिकलसेल एनेमिया जैसिन रोगले लाल रक्तकोशिका तीव्र रूपम टुटेबेर ।

२. कलेजो सम्बन्धी कारण (हेपाटिक): हेपाटाइटिस, सिरोसिस, वा मादक पदार्थ सेवनसे कलेजो क्षति हुके ।

३. कलेजो पाछेक कारण (पोस्ट–हेपाटिक): पित्तनलीमे अवरोध, जस्टे पत्थरी वा ट्युमर, जिहीसे बिल्लिरुबिन बाहेर जाई रोकठ ।

ढेर जैसिन मनै जन्डिसहे एक ठो अलगे रोग ठन्ठै । यिहीसे  मनै मुख्य समस्याके उपचार नैकरके जन्डिसहे केल हटाई खोज्ठै ओ जथाभाबी औषधी तथा जडिबुटीके प्रयोगसे स्वास्थ्यमे थप जटिलता ल्याने सेकठ । यी बुझ्नु महत्वपूर्ण बा कि जन्डिस कौनो रोगके चेतावनी हो, जौन लाल रगत, कलेजो वा पाचन प्रणालीसंग सम्बन्धित गम्भीर समस्यासे उत्पन्न हुइना  करठ ।
छाला ओ आँखी हरडयार हुइनाक साथे थकान ढेर हुइना, गाढ रङके पिसाब, हल्का रङके दिसा, छाला खुङजैना समस्या, पेट बठैना जैसिन लक्षण विल्गाइठ । यी लक्षण डेखलेसे तुरुन्त डाक्टरसंग परामर्श डेना जरूरी बा ।
जन्डिसके मुख्य कारण पत्ता लगैना रगत परीक्षण, कलेजोके परीक्षण ओ भिडियो एक्सरे जाँच करजाइठ । उपचार विधि टमान रोगके कारण अनुसार करजाइठः

हेपाटाइटिस जैसिन संक्रमणमे औषधि प्रयोग करजाइठ ।

पत्थरी वा ट्युमर हुइलेसे शल्यक्रिया करे परठ ।

एनेमिया हुइलेसे रगत चह्राई परठ ।

स्वस्थ जीवनशैली अपनैना जन्डिस हुइना समस्यासे जोग्ना मुख्य उपाय हो । सन्तुलित आहार, नियमित व्यायाम, मादक पदार्थके सेवन कम कैनाु ओ औषधि वा जडिबुटीके अनावश्यक प्रयोग नैकैना कलेजोहे स्वस्थ रख्न मद्दत करठ ।

जन्डिस रोग नैहुके लक्षण केल हो कना बुझ्न स्वास्थ्यके लाग अत्यन्त महत्वपूर्ण बा । यदि अपने वा अपनेक आफन्तमे यैसिन संकेत विल्गाइठ कलेसे डाक्टरसंग परामर्श लेबी । समयमे उपचार करेबेर गम्भीर समस्यासे बाँचे सेक्जाई । 

जनाअवजको टिप्पणीहरू