यौन प्रजनन तथा स्वास्थ्य अधिकार ओ मनोसामाजिक परामर्श
पहुरा समाचारदाता
हसुलिया, १५ चैत । शिक्षक ओ महिला स्वास्थ्य स्वय सेविकाहुकनहे यौन प्रजनन तथा स्वास्थ्य अधिकार ओ मनोसामाजिक परामर्श गोष्ठी सम्पन्न हुइल बा ।
नवजीवन सेवा संघके आयोजना ओ कैलारी गाउँपालिकाके समन्वय सहकार्यमे विद्यालयके शिक्षक ओ महिला स्वास्थ्य स्वय सेविकाहुकनके लाग दुई दिने यौन प्रजनन तथा स्वास्थ्य अधिकार ओ मनोसामाजिक परामर्श गोष्ठी कैगिल हो । उ गोष्ठीमे उदघाटन कैलारी गाउँपालिका अध्यक्ष राजसमझ चौधरी करल रहिट ।
कार्यक्रममे उहाँ यौन प्रजनन तथा स्वास्थ्य अधिकारबारे जनचेतना फैलैना आवश्यक रहल बटैलै । यौन प्रजनन तथा स्वास्थ्य अधिकारबारे ज्ञान नैहुके वालविवाह हुइना करल उहाँ बटैलै । विद्यालयके शिक्षकहुक्रे विद्यार्थीनहे खुलके यौन प्रजनन तथा स्वास्थ्य अधिकारबारे ज्ञान डेना आवश्यक रहल उहाँ बटैलै ।
परामर्श गोष्ठीके उदघाटन कार्यक्रममे शिक्षा शाखा प्रमुख गणेश प्रसाद मिश्र, स्वास्थ्य शाखा प्रमुख नरेशकुमार चौधरी, नवजीवन सेवा संघके कोडनेटर एकिन्द्र ठकुल्ला, फिल्ड संयोजक प्रमिन्द्रमान श्रेष्ठलगायतके सहभागिता रहे । परामर्शके दुसर दिन फिडामे हेयमी ओ प्रकास लोपचन सहजीकरण करल रहिट ।
