कैलाली उद्योग वाणिज्य संघके चुनाव
पहुरा समाचारदाता
धनगढी, २५ कुवाँर । कैलाली उद्योग वाणिज्य संघसे ५१ औं साधारण सभा करटी नयाँ नेतृत्व निर्वाचित कैना शनिच्चरके रोज मतदान करले बा ।
रुपेश स्वाँर ओ पुष्कर ओझा दुई समूह चुनावी मैदानमे प्रतिस्पर्धामे बटै । साँझ ५ बजेसम हुइल मतदानमे १९ सय ४० मत खसल प्रमुख मतदान अधिकृत लोकबहादुर बिष्ट बटैलै । संघमे कुल २३ सय ३५ मतदाता रहल बटै ।
रूपेश स्वाँरके प्यानलसे वरिष्ठ उपाध्यक्षमे केशवराज जोशी उम्मेदवार बटै । जोशी वर्तमान उपाध्यक्ष फेन हुइट । ओस्टके, उपाध्यक्ष (उद्योग) मे लक्ष्मणराज पन्त, एसोसियट उपाध्यक्षमे अनिलकुमार भुजनिया, वाणिज्य उपाध्यक्षमे राधिका चौधरी ओ वस्तुगत उपाध्यक्षमे सिद्धराज पनेरु उम्मेदवार रहल बटै । महासचिवमे सुरेश पाण्डेय, कोषाध्यक्षमे तिलक बोहरा ओ सचिवमे प्रकाशकुमार चन्द उम्मेदवार रहल बटै । सदस्यमे रुपेश खड्का, अम्बिका भण्डारी, मिलन कुँवर, प्रेमबहादुर धामी, भरतबहादुर थापा, नेत्रप्रसाद तिवारी, देवराज जोशी, तेज बम, शुभशंकर ठाकुर, दिपेश राठोर, अमर चोखाल, प्रमिला पाठक ओ मन्जु भट्ट उम्मेदवार रहल बटै ।
ओस्टेक पुष्कर ओझाकके प्यानलमे वरिष्ठ उपाध्यक्षमे ओम बहादुर बिष्ट, उपाध्यक्ष (उद्योग) ओर वासुदेव भट्ट, उपाध्यक्ष एसोसिएट तर्फ मनोज अग्रवाल, उपाध्यक्ष वाणिज्य ओर गगनराज केसी, उपाध्यक्ष वस्तुगत ओर भीमराज ओझा (अबु) महासचिवमे दिनेश लम्साल, कोषाध्यक्षमे सुरेन्द्रबहादुर कडायत ओ सचिवमे कृष्ण कुमारी बिष्टके उम्मेदवारी रना हुइल बा ।
ओझा प्यानलमे सदस्यमे अजय पाण्डेय, सुरेश सापकोटा, बम बहादुर कुँवर, ध्रुबराज दाहाल, कमला भट्टराई, पदमबहादुर सिंह, प्रजापति जोशी, रेखा बास्तोला, सुरज बहादुर रैका, तर्कराज भट्ट, टेकबहादुर खड्का, अनुप भण्डारी ओ बिन्दु सुनारके नाम समावेश करल बा ।
ओस्टेक करके वरिष्ठ उपाध्यक्षमे सुरेन्द्र राठी तथा सचिवमे कोपिला कुँवरके भर स्वतन्त्र उम्मेदवारी बटै । निर्वाचन मतदान प्रकृया सेकल लगटे मतगणना सुरु हुइल बा ।
