सृजनशील सामुदायिक वनके टिसरा साधारण सभा

पहुरा समाचारदाता
पहलमानपुर, १८ माघ । कैलाली जिल्लाके भजनी नगरपालिका वडा नम्बर ९ भुरुवा कैलालीमे रहल सृजनशिल सामुदायिक वन उपभोक्ता समुहके टिसरा वार्षिक साधारण सभा तथा सार्वजनिक सुनुवाई कार्यक्रम शनिच्चरके रोज सम्पन्न हुइल बा ।

समुहके अध्यक्ष सुखराम राजीके घर गोस्यमे हुइल कार्यक्रमके बरका पहुना सिएफसीसी भजनीके अध्यक्ष खोजराम चौधरी रहिट । कार्यक्रममे सम्बोधन करटी उहाँ बनुवा जोगाइक लाग मनके तारबार लगाई पर्न बटैलै ।

खास पहुना रहल पचमुडिया सव डिभिजन वन कार्यालय वनरक्षक जागीराम चौधरी यी सामुदायिक वन उपभोक्ता समूहसे चित्त बुझ्दो काम करल बटैलै ।
कार्यक्रममे पत्रकार पहुरा दैनिकके समाचारदाता जीवन कुमार चौधरी समूह नियम कानून पालना करटी आघे बह्रना आग्रह करलै ।

समुहके सचिव दिलु थापा नौ लाख ११ हजार ४ सय बराबरके आय व्यय सुनाइल रहिट । कार्यक्रम सञ्चालन पत्रकार धर्मेन्द्र बिष्ट करल रहिट ।