किसानके लाग विपद् विमा अनिवार्यः गाउँपालिका अध्यक्ष

पहुरा समाचारदाता
धनगढी, ५ चैत । कैलारी गाउँपालिकामे तातो हावा (लु) सम्बन्धी काययोजना निर्माणके लाग विफेक रोज छलफल कैगिल बा ।

कैलारी गाउँपालिकाके आयोजना ओ प्राक्टिकल एक्सन नेपालके प्राविधिक सहयोगमे पालिका स्तरीय तातो हावा (लु) सम्बन्धी कार्ययोजना निर्माण प्रारम्भिक छलफल कैगिल हो ।

कैलारी गाउँपालिका अध्यक्ष राजसमझ चौधरीके अध्यक्षतामे हुइल कार्यक्रममे उहाँ कैलारी गाउँपालिका बाढ, कटानी, पटानीके उच्च जोखिमसंगे तातुल हावा (लु)से ढेर प्रभावित रहल बटैलै ।

कैलारी गाउँपालिकामे बर्खाके बेला बाढ, कटानी, पटानीके समस्या झेल्टी आइल बेला गर्मी सिजन बैशाख जेठमे तातुल हावा (लु)से प्रभावित हुइल उहाँ बटैलै ।

कैलारी गाउँपालिकामे मोहना, गुरहा, कटैनी लडियामे अइना बाढके कारण ढेर धानवाली नष्ट करटी रहल ओरसे किसानके लाग विपद् विमा अतिआवश्यक रहल अध्यक्ष बटैलै ।

कैलारी गाउँपालिकामे विपद सम्बन्धी तातुल हावा (लु) सम्बन्धी काययोजना निर्माणके कार्यदल गठन हुइल ओरसे उ कार्यदलसे हाली मस्यौदा तयार कैनाफे उहाँ बटैलै ।

कार्यक्रममे प्राक्टिकल एक्सन नेपाल के वरिष्ठ कार्यक्रम अधिकृत चक्रबहादुर बम समुदायको जलबायु उत्थानशीलता कार्यक्रमबारे जानकारी डेहल रहिट । परियोजना जनवरी २०२४ से डिसेम्बर २०२७ सम्म जेड जुरीक फाउण्डेशन, स्विस रि फाउण्डेशन ओ इन्सुरेजिलियन्स सोलुसन फन्डके सहयोगमे बर्दिया, कैलाली ओ कन्चनपुर जिल्लामे भेरी वातावरणिय बिशिष्टता समुह व वातावरण संरक्षण तथा समाज कल्याण संघ नेपाल के साझेदारीमे कार्यक्रम संचालन कैटी रहल उहाँ बटैलै ।

परियोजनासे बाढ तथा लु प्रभावके जोखिममे रहल समुदायके उत्थानशीलता बृद्धिके लाग सक्कु तहके निर्णयकर्ता सहकार्य कैना (अनुकुल क्षमता वृद्धि मार्फत जोखिम कम कैना), प्रभावकारी पूर्व सूचना प्रणाली ओ विपद पूर्वकार्य मार्फत विपदके सम्भावित जोखिम ओ क्षतिके मात्र न्यूनिकरण कैना उहाँ बटैलै ।

बाढ तातुल हावाके कारण जीविका गुमैना परिवारके विपद बीमा मार्फत क्षतिपूर्तिसहित हाली पुर्नलाभ हुइना सक्षम बनैना उहाँ बटैलै ।

समुदायके बाढ उत्थानशीलता मापन, समुदायमे केन्द्रीत जिविकोपार्जनके पाँच पुँजीमे मानविय, सामाजिक, भौतिक, प्राकृतिक, आर्थिक हुईपर्ना उहाँ जनैलै ।

ओस्टके करके असल अभ्यास, विपद बीमा मार्फत जोखिम हस्तान्तरण विधि, सूचाङकके आधारित बाढ बीमाबारे प्रस्तुतीकरण तथा छलफल कैगिल बा ।

ओस्टेक करके परामर्शदाता बलराम सिग्देल, विज्ञ प्रोफेसर डा। विनोद बानिया, डा। अमृत शर्मालगायतसे तातो हावा ९लु० सम्बन्धी सहजीकरण करल रहिट । कार्यक्रममे वरिष्ठ कार्यक्रम अधिकृत रमेश गौतम स्वागत कैटी उद्देश्यबारे जानकारी डेहल रहिट ।

भेरी वातावरणीय विशिष्टता समुह बि ग्रुपके हेमन्त जोशीलगायत टिम, कैलारी गाउँपालिकाके टमान वडाके वडा अध्यक्षहुक्रे, टमान शाखाके प्रमुखहुकनके सहभागिता रहे । ओस्टेक करके हावा (लु) सम्बन्धी कार्ययोजना निर्माणके लाग समुहगत छलफलफे कैगिल बा ।