भल्मन्सन कानूनी प्रावधान सम्बन्धी अभिमुखीकरण
पहुरा समाचारदाता
धनगढी, ६ चैत । कैलाली जिल्लास्थित कैलारी गाउँपालिकाके भल्मन्साहुँकनके लाग कानूनी प्रावधान सम्बन्धी शुकके रोज एक दिने अभिमुखीकरण कार्यक्रम कैगिल बा ।
डिसिएके सहयोगमे दलित महिला अधिकार मञ्च कैलालीके आयोजनामृे रेसिस्ट परियोजनासे भल्मन्साहुँकनके लाग कानूनी प्रावधान सम्बन्धी जानकारी डेहक लाग अभिमुखीकारण कार्यक्रम कैगिल हो ।
कार्यक्रमके उद्देश्यबारे जानकारी डेटी मञ्चके अध्यक्ष सावित्रा घिमिरे गाउँक स्थानीय नेतृत्वकर्ता भल्मन्सा रहल ओ उहाँहुँकनके भारी जिम्मेवारी रहल बटैली ।
उहाँ कहली, गाउँघरमे हुइना विवादहे मिलाइक लाग भल्मन्साहुँकन कानूनी ज्ञान रना जरुरी बा । कानूनी ज्ञान नैरलक कारण अपन क्षेत्रअधिकारसे बाहर जाके मुद्दा मिलाइल कारण कतिपय भल्मन्सा उल्टे कानूनी कठघरामे गैल बाट । ओसिन अवस्था नआए कहिके यी तालिम डेहल हो ।
कार्यक्रमके प्रशिक्षक पुष्पविक्रम शाही भल्मन्साहुँकनहे कौन मुद्दा मिलाई पैना, कौन नैपैना छुत्याइल बटैटी उ कानून जानकारी हुईपर्ना आवश्यक रहल बटैलै ।
उहाँ कहलै, ‘भल्मन्सा कलक जीत जीतके अवस्थामे पुगैना व्यक्ति हुइट । गाउँघरमे अइलक विवाद ओ घटनाक्े बारेमे फैसला करेबेर तथस्त हुके विवाद मिलाई पर्ना आवश्यक रहठ । भल्मन्सा अपनहुँक्रृ गाउँमे मिलैटी अइलक विवाद ओ अनुभव साटासाट करल रहिट । कार्यक्रममे मञ्चके अध्यक्ष सावित्रा घिमिरे, परियोजना अधिकृत मिन बहादुर हुडके लगायतफे सहजीकरण करल रहिट । कार्यक्रम संचालन सामाजिक परिचालक निलु चौधरी करल रल्ही ।
