गेटा विश्वविद्यालयमे यी वर्ष पढाइ सुरु नैहुइलेसे अनशन बैठना मेयर हमालके घोषणा

पहुरा समाचारदाता
धनगढी, ११ सावन । धनगढी उपपमहानगरपालिकाके नगर प्रमुख गोपाल हमाल शहिद दशरथ चन्द स्वास्थ्य विज्ञान विश्वविद्यालयमे यी शैक्षिक सत्रसे एमबिबिएसके पढाइ नैहुइलेसे अनशन बैठना घोषणा करले बटै । उहाँ सोम्मार डोटीके बुडरसे विश्वविद्यालय सञ्चालनमे नैअइलेसे अनशन बैठना घोषणा करल हुइट ।

उहाँ शहिद दशरथ चन्द मेडिकल विश्वविद्याल सुदूरपश्चिमके एक पुस्ता आघेक माग रहल कहटी पदाधिकारी के हुइही कनासंग मतलव नैरहल बटैले बटै ।

उहाँ कहलै, ’पढाइ यी शैक्षिक सत्रसे हुई परठ कना अपेक्षा रहे ओ अस्पताल चरे परठ कना यहाँके माग हो,’ उहाँ कहलै, ‘यी शैक्षिक सत्रसे यदि पढाइ सुरू नैहुई कलेसे मै गोपी हमालफे अनशन बैठम । हम्रे आन्दोलनमे उत्रबी ओ अनशनके नेतृत्व मै करम ।’