गुरहीके अवसरमे रक्तदान कार्यक्रम

धनगढी, ३१ सावन । थारु समुदायके गुरही टिहुवारके अवसरमे अँँटवारके रोज धनगढीमे रक्तदान कार्यक्रम कैगिल बा ।

गुरही असरैना कार्यक्रम २०८३ मुल आयोजक समिति धनगढी कैलालीके आयोजना तथा बाटचित घर धनगढीके संयोजनमे गुरही टिहुवारके अवसरमे रक्तदान कार्यक्रम कैगिल हो ।

बातचित घरके किसन्वा माधव चौधरीके अध्यक्षतामे हुइल कार्यक्रम सुदूरपश्चिम प्रदेश स्वास्थ्य दुत दिपक उपाध्याय प्रमुख अतिथि रहल रहिट । कार्यक्रममे सम्बोधन करटी उहाँ रगत जे फे डेहे सेक्ना, लेहे सेक्ना ओरसे एक थोपा रगतसे केक्रो ज्यान जोग्न ओरसे यि कुहीहे भेदभाव, जातजाती कहिके नैचिन्ह। आवश्यक परलबेला जेकरपाछे रगत चह्राई सेक्ना बटैलै । रक्तदान कार्यक्रममे १७ जाने रक्तदान करल रहिट । कलेसे आज सोम्मारके रोजफे रक्तदान कार्यक्रम कैना

जनागिल बा ।

कार्यक्तम संचालन गुरही असरैना कार्यक्रम २०८३ मुल आयोजक समितिके संयोजक तथा सखी सञ्जलके अध्यक्ष सानु चौधरी करल रहिट ।

ओस्टेक करके गुरहीके अवसर पारके गुरही चोकमे सरसफाई कार्यक्रम कैगिल कार्यक्तम संचालन गुरही असरैना कार्यक्रम २०८३ मुल आयोजक समितिके संयोजक सानु चौधरी जानकारी डेली ।