एक लाख ८३ हजार बराबरके सामान नियन्त्रण

पहुरा समाचारदाता
धनगढी, १८ भदौ । कैलाली ओ कञ्चनपुर जिल्लाके टमान ठाउँसे एक लाख ८३ हजार बराबरके सामान नियन्त्रण करले बा ।

कैलाली जिल्लाके अवैध रुपमे भारतसे भन्सार छलि करके ल्यानल अन्दाजी मूल्य रु.७७ हजार बराबरके कपडा,प्लाष्टिक पोलिथिन लगायतके सामान नियन्त्रण करले बा ।

बुधके रोज जिल्ला प्रहरी कार्यालय कैलाली ओ मातहतसे खटल प्रहरीसे बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल हो ।

ओस्टेक करके, कञ्चनपुर जिल्लाके भि.न.पा. वडा नं ११ गड्डाचौकी स्थितसे अवैध रुपमे भारतसे भन्सार छलि करके ल्यानल अन्दाजी मूल्य रु.१ लाख ६ हजार ९ सय बराबरके पटाकाहे नियन्त्रण करले बा ।

बुधके रोज इलाका प्रहरी कार्यालय गड्डाचौकी, कञ्चनपुरसे खटल प्रहरीसे बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल हो ।