सुदूरपश्चिममे भदौमे हेराइल ५१ जाने फेला नैपरलै
पहुरा समाचारदाता
धनगढी ५ कुवाँर । सुदूरपश्चिम प्रदेशमे भदौ महिनामे हेराइल ५१ जाने फेला नैपरल हुइटै । सुदूरपश्चिम प्रदेश प्रहरी कार्यालय जन सम्पर्क तथा मिडिया समन्वय शाखासे आर्थिक २०८३/८४ साल भदौ महिनाके गतिविधि विवरण सार्वजनिक करटी हेराइल ५१ जाने फेला परल नै हुइटै ।
सुदूरपश्चिम प्रदेश प्रहरी प्रवक्ता/सूचना अधिकारी प्रहरी बरिष्ठ उपरीक्षक पदम बहादुर विष्टसे डेहल जानकारी अनुसार १५४ जाने महिला, पुरुष, बालबालिका तथा जेष्ठ नागरिक हेराइल रहिट । ओम्मेसे जम्मा १०३ जाने किल फेला परल बटै ।
ओम्मे महिला ६८ जाने हेराइल रहिट कहलेसे ४३ जाने फेला परलै । बालक १३ जाने हेराइलमेसे १२ जाने फेला परल बटै । बालिका ४२ जाने हेराइल रहित कहलेसे २८ जाने फेला परल रहिट । पुरुष २६ जाने हेराइल रहिट कहलेसे १७ जाने फेला परल बटै ।
ओस्टेके जेष्ठ नागरिक ६ जाने हेराइलमे ३ जाने किल फेला परल सुदूरपश्चिम प्रदेश प्रहरी प्रवक्ता/सूचना अधिकारी प्रहरी बरिष्ठ उपरीक्षक विष्ट जानकारी डेलै ।
