कैलारी सहकारीके आठौँ वार्षिक साधारण सभा सम्पन्न

पहुरा समाचारदाता
हसुलिया, ११ कुँवार । कैलारी गाउँपालिका–१, हसुलिया कैलालीस्थित कैलारी सहकारी संस्था लिमिटेडके आठौँ वार्षिक साधारण सभा सम्पन्न हुइल बा ।
संस्थाके अध्यक्ष बतासु चौधरीके अध्यक्षतामे सम्पन्न हुइल सभामे संविधानसभा सदस्य वीरमान चौधरी बर्का पहुना रहल रहिट ।
सभामे संस्थाके आर्थिक बरसके आय–व्यय, वित्तीय अवस्था, प्रगति तथा आगामी कार्ययोजना प्रस्तुत करल रहे । प्रस्तुत आर्थिक विवरण अनुसार संस्थाके कुल सञ्चालन आम्दानी रु. २४ लाख ७४ हजार ९५० रुपैयाँ ६५ पैसा रहल बा । ओस्टके, कुल सञ्चालन खर्च रु. २० लाख ५८ हजार ६०९ रुपैयाँ ५४ पैसा रहल बा ।
आम्दानी ओ खर्चके विवरणअनुसार संस्थासे चालु आर्थिक बरसमे सञ्चालन नाफा रु. ४ लाख १६ हजार ३ सय ४१ रुपैयाँ ११ पैसा आर्जन करले बा । ओस्टके, संस्थाके गैर–सञ्चालन आम्दानी रु. १ लाख ३ हजार ९ सय ७६ रुपैयाँ ९१ पैसा रहल आर्थिक विवरणमे उल्लेख रहल बा ।
वित्तीय विवरणअनुसार संस्थाके कुल सम्पत्ति रु. १ करोड ९९ लाख ९८ हजार ४ सय ५२ रुपैयाँ ८२ पैसा रहल बा । संस्थाके कुल दायित्व रु. १ करोड ३४ लाख १३ हजार ७ सय ५० रुपैयाँ ७७ पैसा तथा कुल पुँजी रु. ६५ लाख ८१ हजार १ सय २ रुपैयाँ ५ पैसा रहल विवरणमे उल्लेख रहल बा ।
संस्थाके सम्पत्तिमध्ये सदस्यहे ऋण तथा सापटी रु. १ करोड २७ लाख ९५ हजार १ सय ५३ रुपैयाँ रहल बा कलेसे संस्थाके शेयर पुँजी रु. २९ लाख १२ हजार ६ सय रहल बा । ओस्टके, साधारण जगेडा कोषमे रु. ३१ लाख ८८ हजार ४ सय ६७ रुपैयाँ ३० पैसा रहल बा ।
सभामे सहकारीके आर्थिक अनुशासन, सदस्यको हित, बचत तथा ऋण कारोबारहे थप व्यवस्थित बनैना तथा संस्थाहे आगामी दिनमे आउर प्रभावकारी ओ सदस्यकेन्द्रित बनैना विषयमे छलफल करल रहे ।
कार्यक्रममे बर्का पहुना चौधरी सहकारी संस्थासे स्थानीय समुदायके आर्थिक विकासमे महत्वपूर्ण योगदान पुगाइ सेक्ना बटैटी सदस्यके विश्वास ओ सहभागिताहे केन्द्रमे राखके आघे बह्रे पर्नामे जोड डेलै ।
अध्यक्ष बतासु चौधरी संस्थाके प्रगति ओ सदस्यके विश्वासहे कायम रख्टी आगामी दिनमे सहकारीहे आउर व्यवस्थित, पारदर्शी ओ प्रभावकारी बनैना प्रतिबद्धता व्यक्त करल रहिट ।
कैलारी सहकारी संस्था लिमिटेडके आठौँ वार्षिक साधारण सभासे संस्थाके आर्थिक प्रगतिके समीक्षा कैटी आगामी दिनमे सदस्यके आर्थिक समृद्धि ओ सहकारीके संस्थागत विकासहे प्राथमिकतामे राखके आघे बह्रना प्रतिबद्धता व्यक्त करल बा ।
कार्यक्रममे छिमेक लघुवित्त संस्था लिमिटेडके शाखा प्रमुख लालबहादुर चौधरी, नेपाल फोटोग्राफर महासंघके केन्द्रीय सचिव कुलराज चौधरी लगायत पहुना, शेयर सदस्य तथा सहकारीकर्मीके उपस्थिति रहल रहे ।