अबैध लागूऔषध सहित ४ जाने पक्राउ
पहुरा समाचारदाता
धनगढी, ६ कुवाँर । कैलाली ओ कञ्चनपुर जिल्लाके टमान ठाउँसे अबैध लागूऔषध सहित ४ जाने पक्राउ परल बटै ।
कञ्चनपुर जिल्लाके लालझाडी गा.पा.१ डाँडा बिच्छुवा स्थित लागूऔषधके कारोवार हुइटीरहल बा कना गोप्य सुचनाके आधारमा अवैध लागूऔषध खैरो हिरोइन ८ ग्राम ९२३ मिलिग्राम सहित जिल्ला कैलाली, धनगढी उ.म.न.पा.१० घुईयाघाट बैठना वर्ष २४ के सागर चौधरी ओ वर्ष २३ के विना नन्द रानाहे पक्राउ करल हो ।
बुधके साँझ लागूऔषध नियन्त्रण ब्युरो शाखा कार्यालय धनगढी ओ प्रहरी चौकी परासन, कञ्चनपुरसे संयुक्त रुपमे खटल प्रहरी टोली चेकजाँच करटी उ पदार्थ फेला पारके उहाँहुकन प्रयोग करल से ७ प १४१६ नम्बरके मोटरसाइकल सहित दुनु जानेहे पक्राउ करल बा ।
ओस्टेक करके, कञ्चनपुर जिल्लाके भीमदत्त न.पा.१० गज्जर स्थित लागूऔषधके कारोवार हुइटी रहल बा कना गोप्य सुचनाके आधारमे अवैध लागूऔषध खैरो हिरोइन १५ ग्राम ६७० मिलिग्राम सहित उहे न.पा.६ ऐठपुर बैठना वर्ष ४३ के महेश प्रसाद भट्ट ओ कृष्णपुर न.पा.२ बाणी बैठना वर्ष ३१ के हेमराज जोशीहे पक्राउ करल बा ।
बुधके साँझ लागूऔषध नियन्त्रण ब्युरो शाखा कार्यालय महेन्द्रनगर ओ इलाका प्रहरी कार्यालय गड्डाचौकी, कञ्चनपुरसे संयुक्त रुपमे खटल प्रहरी टोलीसे लागूऔषध सेवन ओ बिक्री वितरण करटीरहल अवस्थामे फेला पारके दुनु जानेहे पक्राउ करल बा । इ सम्बन्धमे प्रहरी आवश्यक अनुसन्धान करटीरहल बा ।
