धनगढी उपमहानरपालिकासे मेकरस्पेस संचालन
पहुरा समाचारदाता
धनगढी, १२ कार्तिक । धनगढी उपमहानगरपालिकासे मेकरस्पेस संचालनमे नन्ले बा ।
युवाहुकनमे वैज्ञानिक सोच, प्राविधिक सीप, सिर्जनशीलता तथा नवप्रवर्तन क्षमता अभिवृद्धि कैना उद्देश्यसे मेकरस्पेस संचालनमे ल्यानल हो ।
रोबोटिक्स, डिजिटल फेब्रिकेसन उपकरण, प्रोटोटाइपिङ सुविधा तथा सहयोगात्मक कार्यस्थलके पहुँच उपलब्ध कराके प्राविधिक सिकाई, उद्यमशीलता, अध्ययन, अनुसन्धान तथा नवप्रवर्तनहे प्रवद्र्धन कैना लक्ष्यसहित धनगढी उपमहानगरपालिकामे स्थापना करल बा ।
धनगढी उपमहानगरपालिका ओ संयुक्त राष्ट्र संघीय विकास कार्यक्रम (यूएनडिपी) के साझेदारीमे संचालित ग्रीन ट्रान्जिसन प्रोर्टफोलियो अन्र्तगत मेकरस्पेसके उदघाटन करल हो । मेकरस्पेसके उदघाटन धनगढी उपमहानगरपालिका वडा नम्बर १ के वडाध्यक्ष सन्तोष मुडभरी शर्मा करल रहिट ।
कार्यक्रममे धनगढी उपमहानगरपालिकाके नगर प्रमुख गोपल हमाल युवाहुकनमे वैज्ञानिक सोच, प्राविधिक सीप, सिर्जनशीलता तथा नवप्रवर्तन क्षमता अभिवृद्धि कैना उद्देश्यसे मेकरस्पेस संचालनमे ल्यानल बटैलै । कार्यक्रममे धनगढी उपमहानगरपालिकाके नगर उपप्रमुख कन्दकलाकुमारी राना, संयूक्त राष्ट्र संघीय विकास कार्यक्रम (यूएनडिपी) के सुदूरपश्चिमके प्रमुख बैजन्ती गिरी सिंह लगागत मन्तव्य राखल रहिट ।
