८८ हजार बराबरके सामान नियन्त्रण
पहुरा समाचारदाता
धनगढी, १९ कुवाँर । कैलाली ओ कञ्चनपुर जिल्लाके टमान ठाउँसे ८८ हजार बराबरके सामान नियन्त्रण करल बा ।
धनगढी उ.म.न.पा.१० घुइयाघाटसे अवैध रुपमे भारतसे भन्सार छलि करके ल्यानल अन्दाजी मूल्य रु.३० हजार ५ सय ५० रुप्या बराबरके चिनी, दाल, मिठाई, जिरा, प्लाष्टिक झिल्ली लगायतके सामानहे नियन्त्रणमे लेहल हो ।
अँटवारके रोज दोप्हर जिल्ला प्रहरी कार्यालय कैलालीसे खटल प्रहरी टोलीसे बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल बा ।
ओस्टेक करके, कञ्चनपुर जिल्लाके टमान ठाउँसे अवैध रुपमे भारतसे भन्सार छलि करके ल्यानल अन्दाजी मूल्य रु.५८ हजार ५० रुप्या बराबरके पेय पदार्थ, बिडी, कुरकुरे, नमकिन, बोइलर मुर्गि लगायतके सामानहे नियन्त्रणमे लेहल हो ।
अँटवारके रोज जिल्ला प्रहरी कार्यालय कञ्चनपुर मातहत कार्यालयसे खटल प्रहरीसे टोलिसे बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल बा ।
