अबैध लागूऔषध सहित ४ जाने पक्राउ

पहुरा समाचारदाता
धनगढी, १९ कुवाँर । कैलाली ओ कञ्चनपुर जिल्लाके टमान ठाउँसे अबैध लागूऔषध सहित ४ जाने पक्राउ परल बटै ।

धनगढी उ.म.न.पा.३ डि.के.पेट्रोल पम्प लग्गेसे अवैध लागूऔषध ब्राउन सुगर २४८ मिलिग्राम सहित उहे ठाउँ बैठना वर्ष २८ के अमन पन्थीहे पक्राउ करले बटै ।
अँटवारके रोज दोप्हर जिल्ला प्रहरी कार्यालय कैलालीसे खटल प्रहरी टोलीसे शंका लग चेकजाँच करके उ पदार्थ फेला पारके पक्राउ करल हो ।

ओस्टेक करके, कैलाली जिल्लाके धनगढी उ.म.न.पा.६ जाईसे अवैध लागूऔषध ब्राउन सुगर २०२ मिलिग्राम सहित उहे ठाउँ बैठना वर्ष २२ के सन्जित चौधरी ओ वर्ष ३८ के प्रेमलाल रानाहे पक्राउ करले बटै ।
अँटवारके रोज रात जिल्ला प्रहरी कार्यालय कैलालीसे खटल प्रहरी टोलीसे शंका लग चेकजाँच करके उ पदार्थ फेला पारके पक्राउ करल हो ।

ओस्टेक करके, कञ्चनपुर भिमदत्त न.पा.११ भुजेला स्थित लागूऔषधके कारोबार हुइटीरहल बा कना बिशेष सूचनाके आधारमे अवैध नियन्त्रित लागूऔषध फेनारगन एम्पुल ६३ ट्याब्लेट ओ B–Gesic PDk’n ६३ ट्याब्लेट सहित उ न.पा.१८ बागबाणी बैठना वर्ष २७ के आसुतोष सिनालहे पक्राउ करले बटै ।

अँटवारके रोज दोप्हर जिल्ला प्रहरी कार्यालय कञ्चनपुरसे खटल प्रहरी टोलीसे चेकजाँच करके उ लागूऔषध फेला पारके पक्राउ करल हो । इ सम्बन्धमे प्रहरी आवश्यक अनुसन्धान करटीरहल प्रहरी जनैले बा ।