माटीके ढिम्मासे डब्के महिलाके मृत्यु

पहुरा समाचारदाता
धनगढी, १७ कार्तिक । धनगढीमे माटीके ढिम्मासे डब्के एक महिलाके मृत्यु हुइल बा ।

धनगढी उपमहानगरपालिका–१६ भादास्थित गणेश सामुदायिक वनमे घर पोटेक लग माटी लेहे गिलके स्थानीय ३९ वर्षीया कविता देवी चौधरीके ढिम्मासे डब्के मृत्यु हुइल हो ।

सोम्मारके साँझ करिब ५ बजे माटी कोरना क्रममे एक्कासि ढिम्मा गिरके उहाँहे डब्के घाहिल हुइल रहिट ।

उहाँहे उपचारके लग नवजीवन अस्पताल धनगढी ल्यानलमे चिकित्सक मृत घोषणा करल रहे । घटनाबारे थप अनुसन्धान हुइटीरहल प्रहरी जनैले बा ।