पुरस्कार तथा प्रशंसापत्र वितरण
पहुरा समाचारदाता
धनगढी, २१ सावन । टिसरा विश्व खाद्य स्वच्छता दिवस २०२१ तथा १३ औं राष्ट्रिय खाद्य स्वच्छता दिवस २०७८ के अवसरमे सुदूरपश्चिम क्षेत्रमे कार्यरत कर्मचारी ओ खाद्य उद्योग मन्से दुई जनहनहे सम्मान करल बा ।
विफेक रोज खाद्य प्रविधि तथा गुण नियन्त्रण कार्यालय धनगढीके वार्षिक समीक्षा गोष्ठी कार्यक्रममे उहाँ हुकनहे सम्मान करल हो ।
सम्मानित हुइलमे धनगढी उपमहानगरपालिका–८ अवस्थित हंश सोय पनिर उद्योग ओ यी कार्यालय मतहत बैतडीमे कार्यरत रहल डिभिजन कार्यालयके खाद्य अनुसन्धान अधिकृत कृष्णदत्त लेखक रहल बटै ।
सम्मानित हुइल हंश सोय पनिर उद्योगहे स्वच्छ ओ गुणस्तरीय खाद्य पदार्थ उत्पादन करना खाद्य प्रविधि तथा गुण नियन्त्रण कार्यालय धनगढी कार्यक्षेत्रमे अवस्थित घरेलु तथा साना उद्योगमध्ये उत्कृष्ट उद्योगके रुपमे छनौट करके सम्मान करल हो ।
हंश सोय पनिर उद्योगके व्यवस्थाक पुरन चौधरीहे खाद्य प्रविधि तथा गुण नियन्त्रण कार्यालय धनगढीके वरिष्ठ खाद्य अनुसन्धान अधिकृत नवराज दाहाल प्रशंसापत्र हस्तान्तरण करल रहिट ।
यी उद्योग २०७७ फागुन ११ गते टोफू उत्पादन लक्ष्य लेके धनगढी उपमहानगरपालिका वडा नम्बर ८ धनगढी गाउँमे खुलल रहे ।
कैलालीके कैलारी गाउँपालिका वडा नम्बर ७ भुइयाँफाटाके यूवा पुरण चौधरी, दशरथ चौधरीलगायत ५ जाने संघरियाहुक्रे मिल्के टोफू उद्योगके सुरुवात करले बटैं । उहाँहुक्रे सुदूरपश्चिममे सोया पनिर उत्पादन उद्योग संचालन करल पहिल प्रयास फेन रहल दावी करले बटैं । उद्योगके सञ्चालन पुरण चौधरी अत्रा छोट समयमे सम्मानित हुइलमे खुसी व्यक्त करलैं ।
खाद्य प्रविधि तथा गुण नियन्त्रण कार्यालय धनगढीके वरिष्ठ खाद्य अनुसन्धान अधिकृत नवराज दाहालके अध्यक्षतामे हुइल कार्यक्रममे डिभिजन कार्यालय बैतडीके खाद्य अनुसन्धान अधिकृत कृष्णदत्त लेखक, नेपाल पत्रकार महासंघ कैलालीके अध्यक्ष हिमालय जोशी, उपभोक्त हकहित संरक्षण मञ्च सुदूरपश्चिम प्रदेशके महासचिव भोजराज जोशी उपभोक्ता सचेत हुई पर्नामे जोड डेहल रहिट ।
कार्यक्रमके संचालन खाद्य प्रविधि तथा गुण नियन्त्रण कार्यालय धनगढीके खाद्य अनुसन्धान अधिकृत उज्वल कोइराला करले रहिट । खाद्य प्रविधि तथा गुण नियन्त्रण कार्यालय धनगढी आर्थिक वर्ष ०७७/७८ अर्थात २०७७ सावन १ गतेसे २०७८ असार मसान्तसम १० लाख ४८ हजार ३ सय ५ रुप्या राजश्व संकलन हुइल कार्यालय जनैले बा ।
सम्बन्धित समाचार
यूवाहुक्रे सुरु करलै ‘टोफू’ उद्योग
‘खाद्य प्रविधि तथा गुण नियन्त्रण कार्यालयके वार्षिक प्रगति समीक्षा’
आठ उद्योग ओ फर्महे कारवाही
