एरिष्टोसे प्रशासन कार्यालय कैलालीहे डेढ लाख मूल्य बराबरके समान सहयोग

पहुरा समाचारदाता
धनगढी, २९ भदौ । धनगढीके एरिष्टो माध्यमिक विद्यालयसे जिल्ला प्रशासन कार्यालय कैलालीहे डेढ लाख मूल्य बराबरके सामान सहयोग करले बा ।

विद्यालयसे अँटवार सकारे प्रशासकीय अधिकृत शिवराज जोशीहे सामान हस्तान्तरण करल हो ।

विद्यालयके ओरसे प्रधानाध्यापक हरि क्षेत्रीसे एक थान कम्प्युटर, एक थान प्रिन्टर, एक थान अफिस टेबल ओ कुर्सी तथा एक दर्जन सेवाग्राहीसे बैठना कुर्सी हस्तान्तरण करल हुइट । उ सक्कु सामानके मूल्य एक लाख पचास हजार रहल प्रधानाध्यापक क्षेत्री बटैलै ।

उहाँ जिल्ला प्रशासन कार्यालयके सक्कु भौतिक सामग्री जरल ओरसे तत्काल सेवा प्रवाह कैना सहज होए कहिके सामग्री सहयोग करल बटैलै । प्रधानाध्यापक क्षेत्रीसे आवश्यक परलेसे और सहयोग समेत कैना तत्पर रहल बटैलै ।