वित्तीय साक्षरताके लाग विमाके महत्व सम्बन्धी अभिमुखीकरण कार्यक्रम
पहुरा समाचारदाता
धनगढी, ३० भदौ । फाया नेपालके आयोजना तथा मेटलाइफ इन्स्योरेन्सके समन्वयमे सोम्मारके धनगढीमे वित्तीय साक्षरताके लाग विमाके महत्व सम्बन्धी अभिमुखीकरण कार्यक्रम सम्पन्न हुइल बा ।
मेटलाइफ इन्स्योरेन्स सुदूरपश्चिम प्रदेश संयोजक केशव भुर्तेल विमाके महत्वबारे जानकारी डेटी जीवनहे सुरक्षित बनाइक लाग जीवन विमा कैना आवश्यक रहल बटैलै । मेटलाइफ इन्स्योरेन्स संसारके उत्कृष्ट विमा कम्पनीमे पर्ना कहटी यकर ग्राहक १० करोडसे रहल ओ यी कम्पनी ४० से देशसे सेवा प्रदान करटी रहल जनैलै ।
यी कम्पनीसे सामाजिक उत्तरदायित्व बहन करटी आइल कहटी २०७२ सालके भुकम्पसके बेला ढेर सहयोग करटी आइल जनैलै ।
मेटलाइफ इन्स्योरेन्ससे आपन अभिकर्ताके लर्कनहे छात्रवृतिमे सहयोग करटी आइल जनैलै ।
कार्यक्रमके उदेश्यसे बारे जानकारी डेटी फाया नेपालके कार्यकारी निर्देशक शेरबहादुर बस्नेत फाया नेपालसे वित्तीय साक्षरताके क्षेत्रमे काम करटी आइल बटैलै ।
