५६ लाख ८३ हजारके सामान नियन्त्रण

पहुरा समाचारदाता
धनगढी, २ कुवाँर । कैलालीके अलग अलग ठाउँसे ५६ लाख ८३ हजार ५६० बराबरके अबैध भन्सार छलिके सामान नियन्त्रणमे लेहल बा ।

कैलाली जिल्लाके टमान ठाउँ धनगढी उ.म.न.पा. ४ ओ टिकापुर न.पा.९ भैयावाडास्थित नहर लग्गेसे अबैंध रुपमे भारतसे भन्सार छलि करके रु.५६ लाख ८३ हजार ५६० बराबरके समान नियन्त्रणमे लेहल हो ।

सुदूरपश्चिम प्रदेश प्रहरी कार्यालय धनगढी ओ जिल्ला प्रहरी कार्यालय कैलाली मातहत कार्यालयसे संयुक्त रुपमे खटल प्रहरी गस्ती टोली मोबाइल, स्मार्ट घडी, एयरफोन, पावर ब्याङ्क, पेन ड्राइभ लगायतके सामान नियन्त्रणमे लेहल हो ।