मालिकार्जुन कंक्रिट उद्योगसे कैलारी गाउँपालिकाहे दुई सेट टेबुल ओ रिबल्बिङ कुर्सी सहयोग
पहुरा समाचारदाता
धनगढी, ५ कुवाँर । मालिकार्जुन कंक्रिट उद्योग धनगढीसे कैलारी गाउँपालिकाहे दुई सेट टेबुल ओ रिबल्विङ कुर्सी सहयोग करले बा ।
गैल भदौ २४ गते जेन–जी आन्दोलनकारीहुक्रे सार्वजनिक सम्पति गाउँपालिकाके प्रशासनिक भवनभिटर रहल सक्कु समान निकारके आगजानी करलपाछे सेवा डेना असहजता हुइल बेला मालिकार्जुन कंक्रिट उद्योग धनगढीसे अँटवारके रोज कैलारी गाउँपालिकाहे दुई सेट टेबुल ओ रिबल्विङ कुर्सी सहयोग करल हो ।
मालिकार्जुन कंक्रिट उद्योगके प्रतिनिधिहुक्रे कैलारी गाउँपालिका अध्यक्ष राजसमझ चौधरी, उपाध्यक्ष भगवतीकुमारी चौधरी, प्रमुख प्रशासकीय अधिकृत खगेन्द्रराज जोशी, योजना शाखा प्रमुख सन्तोषकुमार चौधरी, वडा–२ के वडाध्यक्ष विकास चौधरी ओ वडा–८ के वडा अध्यक्ष तारामल कठरियालगायतके उपस्थितिमे उ सामाग्री हस्तान्तरण करल रहिट । आन्दोलनकारीहुक्रे कैलारी गाउँपालिकाके मुख्य मुख्य शाखाके समान तोडफोडसंगे आगजानी करल रहिट । कलेसे वडा कार्यालय भवनमे आगजानी करके ध्वस्त बनैले बटै ।
आगजानीसे वडा कार्यालयके प्रशासनिक भवन जरके ध्वस्त हुइलपाछे वडा कार्यालयसे प्रदान कैना सेवा गाउँपालिकासे डेना सुरु करल बा ।
