एमपीडिएस ओ कृष्ण गिरीसे कैलारीहे सहयोग
पहुरा समाचारदाता
धनगढी, ७ कुवाँर । जेनजी आन्दोलनके नाउँमे कैलारी गाउँपालिकामे तोडफोड ओ आगजानीसे सेवा प्रवाहमे समस्या आइलपाछे मंगरके रोज बहुउद्देश्यीय विकास समाज (एमपीडिएस) डडेल्धुरा ओ कृष्ण गिरीसे कैलारी गाउँपालिकाहे सहयोग करले बटै ।
बहुउद्देश्यीय विकास समाज (एमपीडिएस) डडेल्धुरासे गाउँपालिकाहे दुई ठान प्रिन्टर्स सहयोग कैगिल बा । उ सामाग्री समाजके कार्यक्रम अधिकृत राजेन्द्र रैका गाउँपालिका उपाध्यक्ष भगवतीकुमारी चौधरी, प्रमुख प्रशासकीय अधिकृत खगेन्द्रराज जोशी, वडा नम्बर ५ के वडा अध्यक्ष विष्णु चौधरी, कार्यपालिका सदस्य सुन्दरी चौधरी, पशु शाखा प्रमुख सुर्य प्रसाद चौधरीहे हस्तान्तरण करल रहिट । बहुउद्देश्यीय विकास समाज (एमपीडिएस) डडेल्धुरासे कैलाली गाउँपालिकामे विपदके क्षेत्रमे कार्य करटी आइल बा ।
ओस्टेक करके कोइलही ताल माछा व्यवसाय कैलारी–८ के प्रमुख कृष्ण गिरी गाउँपालिकाके काममे सहज होए कहिके एक थान ल्याप टप सहयोग करले बटै । उहाँफे मंगरके रोज गाउँपालिका उपाध्यक्ष भगवतीकुमारी चौधरी, प्रमुख प्रशासकीय अधिकृत खगेन्द्रराज जोशी, वडा नम्बर ५ के वडा अध्यक्ष विष्णु चौधरी, कार्यपालिका सदस्य सुन्दरी चौधरी, सामाजिक विकास शाखा प्रमुख यगम कलेलहे उ ल्यापटप हस्तान्तरण करल रहिट ।
