आदिवासी खाना ओ जलवायु अनुकुल कृषि वारे अन्तरक्रिया
पहुरा समाचारदाता
धनगढी, २ कार्तिक । कैलालीके जोशीपुरमे आदिवासी खाना ओ जलवायु अनुकुल कृषि कार्यक्रम हुइल बा ।
वर्ड फुड फोरम नेपालके आयोजना तथा जोशीपुर जेसीजके सहकार्यमे कार्यक्रम सम्पन्न हुइल हो । अन्तरक्रियात्मक कार्यक्रममे रैथाने खाना, उत्पादन ओ जलवायु अनुकुलताके वारेमे छलफल करल रहे ।
रैथाने बाली जलवायु अनुकूल कृषिके महत्वपूर्ण आधार हुइट । उ बाली स्थानीय वातावरण, माटी ओ मौसम अनुसार विकसित हुइल ओरसे कम पानी, मल ओ विषादीमेफे मजा उत्पादन डेना सक्षम हुइठ । उदाहरणके रूपमे कोदो, फापर, गहत, भटमास, कठरी, ओ जुनेलो जैसिन बाली बटै । यैसिन बालीसे माटीक उर्वरता जोगाइठ । जैविक विविधता बह्राइठ ओ किसानहे आत्मनिर्भर बनाइठ ।
जलवायु परिवर्तनके चुनौतीबीच रैथाने बालीके संरक्षण ओ प्रवद्र्धनसे खाद्य सुरक्षामे योगदान पुगाइठ ओ दिगो कृषिके आधार तयार करठ ।
जोशीपुर जेसीज वर्ष २०२५ के अध्यक्ष भुमिसागर सुनारके सभाध्यक्षतामे हुइल कार्यक्रममे प्राकृतिक स्रोत व्यवस्थापन कलेज टिकापुरके सह–प्राध्यापक मिलन घिमिरे, स्कुल अफ एग्रिकल्चर टीकापुर सह–प्राध्यापक डा. भुवन राज भट्ट प्रशिक्षण डेहल रहिट कलेसे वर्ड फुड फोरम नेपाल फोकल पोईन्ट अभिमन्यु चौधरी सहजीकरणमे रहल रहे । कार्यक्रममे ढिक्रि, घोङ्घी, अन्ढीक भात, सिध्रा, कचरिक बरिया, खुर्माके नास्ता कराइल रहे ।
