प्रदेश स्तरिय मानव अधिकार रक्षक सञ्जालके छलफल सम्पन्न
पहुरा समाचारदाता
धनगढी, १४ कार्तिक । अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालय, धनगढीके आयोजनामे प्रदेश स्तरीय मानव अधिकार रक्षक सञ्जालके छलफल विफेक रोज धनगढीमे सम्पन्न हुइल बा ।
इन्सेक सुदूरपश्चिम प्रदेश संयोजक खडकराज जोशीसे जेनजी आन्दोलनके कारण सृजना हुइल देशमे उत्पन्न विषम् परिस्थितिमे मानव अधिकार रक्षकहुकनहे काम कैना कार्यक्षेत्रमे टमान समस्या ओ चुनौतीके सामना करेपरल अवस्थामे सक्कु मानव अधिकार रक्षकहुकनके सुरक्षा, संरक्षण ओ पवद्र्धनके लाग मानव अधिकार रक्षकहुकन बिच समन्वय हुई आवश्यक रहल बटैलै ।
उहाँ संघसंस्थाप्रतिके नकरात्मक दृिष्टीकोणहे परिवर्तन कैना जेनजीहुकनके धारणा सम्बोधन हुइना करके वहस तथा छलफलके माध्यमसे सहयोग करे सेक्ना ओ सरोकारवालाहुकनसंग समन्वय बह्रैना नियमित भेटघाट ओ छलफल करेपर्ना संयोजक जोशी बटैलै ।
फाया नेपालके अध्यक्ष गोमा आचार्य मानव अधिकार उलङ्घनके घटनामे बृद्धि हुइल ओरसे राष्ट्रिय मानव अधिकार आयोगके अगुवाईमे प्रहरी ओ प्रशासनसंग छलफल करेपर्ना, मानव अधिकार रक्षकहुक्रे राजनितिक दलसंग आवद्ध हुइल युवा, जेनजीहुकनसंग छलफल करेपर्ना बटैली ।
मानव अधिकार रक्षक सञ्जालके संयोजक तथा गैरसरकारी संघसंस्थाके सुदूरपश्चिम प्रदेशके अध्यक्ष देवीप्रसाद खनाल मानव अधिकार रक्षकहुक्रे जनताके अधिकारके लाग निगरानीकर्ताके रुपमे काम करटी अइटी रहलेसेफे टमान अरोपप्रत्यारोप लग्ना करल आरसे औरके अधिकार हनन नैहुइना करके काम करेर्ना, सूचनाके आदान प्रदानके साथे समस्याहे साझा करेपर्ना बटैलै ।
