मुक्त कमैया महिला विकास मञ्चसे कैलारी–३ ओ ४ नम्बरहे सहयोग

पहुरा समाचारदाता
धनगढी, २० कार्तिक । मुक्त कमैया महिला विकास मञ्चसे कैलारी गाउँपालिकाके वडा नम्बर ३ ओ ४ हे कार्यालय व्यवस्थापन सामान सहयोग करले बा ।

लुथरन विश्व फेडेशन नेपालके आर्थिक सहयोगमे मुक्त कमैया महिला विकास मञ्च धनगढीसे कैलारी गाउपालिकामे सञ्चालित समुदाय सशक्तिकरण तथा स्थानीय पहल परियोजना अन्र्तगत गाउँपालिकाके दुई वडा कार्यालायहे सहयोग करल हो ।

गैल भदौ २४ गते जेन्जी आन्दोलनके क्रममे पालिका ओ वडामे हुइल क्षतिके कारणसे जनताहुकनके सेवा प्रवाहमे परे गैल असुविधाके कारण पालिकासे सक्कु पक्ष्यसंग सहयोगके लाग करल अपिलहे कुछ हदसम जनताके सेवामे सहजुल होए कना उद्देश्यके साथ संस्थामे वडा नम्बर ३ के कार्यालयहे दुई थान कुर्सी एक थान टेबुल ओ वडा नम्बर ४ के कार्यालयहे दुई ठो स्टील दराज ओ एक थान अफिस कुर्सी सहयोग करल मञ्चके फिल्ड सहजकर्ता रमेश चौधरी जनैलै । उ सामाग्री सम्बन्धित वडा कार्यालयमे वडाके वडाअध्यक्ष ज्युहुकनहे हस्तान्तरण कैगिल रहे ।

यिहीसे मुक्त कमैया महिला विकास मञ्चसे गाउँपालिकाहे ९ थान दराज, ६ ठो टेबुल, १२ ठो अफिस कुर्सी, दुई थान कम्प्यूटर सेट ओ दुई थान प्रिन्टर सहयोग करल रहे ।