नेकपा एमालेसे जनप्रदर्शन
पहुरा समाचारदाता
धनगढी, २५ कार्तिक । नेकपा एमालेके जनपरिचालन कार्यक्रमअन्तर्गत मंगरके देशभरके स्थानीय तहमे जनप्रदर्शन करल बा ।
प्रतिगामी षडयन्त्र विरुद्ध एमालेसे देशैभर जनपरिचालन कैना निर्णय करल अनुसार वडा, पालिका, जिल्ला ओ राष्ट्रिय रुपमे जनप्रदर्शनके कार्यक्रम करल हो ।
उहे अन्तर्गत सुदूरपश्चिमके राजधानी धनगढीफे जनप्रदर्शन करल बा । जनप्रदर्शनअन्तर्गत धनगढी उपमहानगरपालिका कार्यसमितिके आयोजनामे धनगढीस्थित पार्टी कार्यालयसे ¥याली सुरु करल रहे । ¥यालीमे नेकपा एमाले पोलिटव्युरो सदस्य तथा कैलाली जिल्ला इन्चार्ज नारदमुनी राना, प्रदेश कमिटी सचिव रणबहादुर चन्द, पूर्वजिल्ला कार्यबाहक अध्यक्ष दुर्गा जोशी लगायत नेता–कार्यकर्ताके उपस्थिति रहल रहे ।
ओस्टेक करके कैलालीके कैलारी गाउँपालिकामेफे ¥याली प्रदर्शन करके कोणसभा कार्यक्रम करले बा । राष्ट्र ओ संविधानके रक्षाके लाग नेकपा एमालेसे देशभर जनप्रदर्शन चलाइल बा । कैलारीमे हुइल जन प्रदर्शनमे प्रतिगामी षडयन्त्र मुर्दावाद, विघटित प्रतिनिधिसभा पुनस्र्थापना करेपर्ना, भदौ २३ ओ २४ गतेके अपराधिक घटनाके निश्पक्ष छानविन करेपर्ना माग कैगिल रहे ।
ओस्टेक करके जेनजी आन्दोलनके नाउँमे तोडफोड, लुटपाट, आगजानीके निश्पक्ष छानविन करेपर्ना, हत्या ंिहंसा आतंक बन्द करेपर्नालगायत मागसहित हसुलिया बजार परिक्रमा करटी कोणसभा कैगिल रहे ।
कोणसभामे नेकपा एमालेके केन्द्रीय परिषद सल्लाहकार सदस्य होरीलाल चौधरी, प्रदेश समिति सदस्य बसन्ती चौधरी, पार्टीके नेता गणेश चौधरीलगायत स्थानीय तथा वडास्तरके कार्यकर्ताहुकनके सहभागिता रहे ।
