कैलाली हार्डवेयर संघके अध्यक्षमे फेरसे शाही
पहुरा समाचारदाता
धनगढी, ३० कार्तिक । कैलाली हार्डवेयर संघके अध्यक्षमे फेरसे कुबेर बहादुर शाही निर्वाचित हुइल बटै । शनिच्चर धनगढीमे हुइल कैलाली हार्डवेयर संघके १३औँ साधारणसभा तथा ५औँ अधिवेशनसे शाहीके अध्यक्षतामे नयाँ कार्यसमिति बनल हो ।
संघके वरिष्ठ उपाध्यक्षमे राजेन्द्र चन्द, उपाध्यक्षमे बलबहादुर खड्का ओ जयप्रकाश चौधरी निर्वाचित हुइल बटै । ओस्टेक संघके महासचिवमे धर्मराज जोशी, सचिवमे गणेश जोशी, कोषाध्यक्षमे सर्वण चौधरी निर्वाचित हुइल बटै ।
ओस्टेक करके सदस्यमे प्रन्जल गुप्ता, सुरेन्द्र प्रसाद जोशी, चक्र सोडारी, डम्बर प्रसाद जैसी, यज्ञराज जोशी, संकर साउद, जय कुवार ओ बिरेन्द्र बोकटी निर्वाचित हुइल बटै ।
अधिवेशनसे संघके आगामी योजनाबद्ध कार्यक्रम, हार्डवेयर व्यवसायके चुनौती ओ समाधानके उपाय लगायतके विषयमेफे विस्तृत छलफल करल रहे । नयाँ नेतृत्वसे हार्डवेयर व्यवसायके प्रवद्र्धन, व्यापारीहुकनके हकहित संरक्षण ओ संघहे थप सक्षम ओ सक्रिय बनैना प्रतिवद्धता जनैले बा ।
