यूएनडिपीसे कैलारीहे सामान सहयोग
पहुरा समाचारदाता
धनगढी, ५ अगहन । यूएनडिपीसे कैलारी गाउँपालिकाहे टमान सामान सहयोग करले बा ।
यूएनडिपीसे विपद व्यवस्थापन शाखाके लाग एक थान डेस्कटप कम्प्यूटर सेट, प्रिन्टर एक थान, कार्यालय कुर्सी एक थान, कार्यालय टेबुल एक थान ओ डिस्प्ले स्क्रिन एक थान सहयोग करल हो ।
गैल भदौ २३ ओ २४ गतेक जेनजी आन्दोलनके नाउँमे गाउँपालिका सरसमान जराइलपाछे काम कैना गाह्रो हुइल बेला कार्यालय संचालनमे सहयोग पुगे कहिके यूएनडिपीसे कैलारी गाउँपालिकाहे उ सामान हस्तान्तरण कैगिल बा । यूएनडिपीके प्रदेश कोडनेटर हिमाल ओझा गाउँपालिका उपाध्यक्ष भगवतीकुमारी चौधरीहे उ सामान हस्तान्तरण करल रहिट ।
गाउँपालिका उपाध्यक्ष भगवतीकुमारी चौधरी यूएनडिपीसे गाउँपालिकाहे आवश्यक सामान सहयोग कैलकमे धन्यवाद डेले बटी । उहाँ कहली, जेनजी आन्दोलनसे सार्वजनिक सम्पति जराइलपाछे सेवा प्रवाहमे समस्या हुइल बा । कलेसे जनता सहजे सेवा पाइनैसेकल हुइट ।
कार्यक्रममे कैलारी गाउँपालिकाके प्रमुख प्रशासकीय अधिकृत खगेन्द्रराज जोशी, सामाजिक विकास शाखा प्रमुख यगम कलेल, गाउँपालिकाके टमान शाखाके प्रमुख, यूएनडिपीके प्रतिनिधिह्ुकनके सहभागिता रहे ।
