जनता समाजवादी पार्टी नेपालसे ज्ञापनपत्र बुझाइल
पहुरा समाचारदाता
धनगढी, १० अगहन । जनता समाजवादी पार्टी नेपाल कैलालीसे प्रमुख जिल्ला अधिकारी मार्फत प्रधानमन्त्रीहे मुलुकमे राजनीतिक, सामाजिक–आर्थिक परिवर्तनके लाग २८ बुँदे माग समेटके ज्ञापनपत्र बुझैले बा ।
जनता समाजवादी पार्टी नेपालसे कैलालीसे बुधके रोज कैलालीके प्रमुख जिल्ला अधिकारी हिरालाल रेग्मी मार्फत प्रधानमन्त्री सुशिला कार्कीहे ज्ञापनपत्र बुझाइल हुइट ।
२०६२÷०६३ के जनआन्दोलन ओ मधेश जनविद्रोह, आदिवासीजनजाति, दलित, पिछडावर्ग, थारू, मुस्लिम, महिला, खस लगायत शोषण उत्पीडनमे परल, पारल सक्कु नेपालीके जनभावना विपरित जवर्जस्ती संविधान घोषणा करलै । कुछ सिमित स्वार्थमे लागके सुशासन कायम कैना ओर विगतमे नेतृत्व करल सरकारके ध्यान नैगैल । भ्रष्टाचार मौलैटी जाके सर्वत्र बेथिति सृजना हुइल । महड्गी, बेरोजगारी, शिक्षा, स्वास्थ्यमे बह्रटी व्यापारीकरणसे जनताके जनजीविका झन–झनकष्टकर हुइटी गैल कहल बा ।
पूर्ण समानुपातिक ओ समावेशी प्रतिनिधित्वके सिद्धान्तके आधारमे सत्ता शक्तिमे पहुँचके व्यवस्था एवं सामाजिक न्यायके प्रत्याभूत हुई परना माग करल बा ।
आदिवासी जनजाति सम्बन्धी टमान महासन्धीमे उल्लेखित अधिकार कार्यान्वयन हुईपर्ना, वैज्ञानिक भू–उपयोग, कृषिके व्यवसायीकरण, आधुनिकीकरण, कृषिबजार व्यवस्थापनलगायत क्षेत्रके वृद्धि ओ विकासमे सरकारसे प्राथमिकता डेहे पर्ना माग करल बा ।
जनता समाजवादी पार्टी, नेपालसे विगतसे उठैटी आइल माग ओ मुद्दा यी बेलाजेन–जी (युवा पुस्ता) सेफे उठाइल न्यायोचित माग ओ मुद्दाके सम्बोधन करेपर्ना लगायतमे जनता समाजवादी पार्टी, नेपाल सकारात्मक समर्थन रहल कहल बा ।
ज्ञापनपत्र जिल्ला अध्यक्ष गया प्रसाद कुश्मी, केन्द्रीय सदस्य मालामति राना, अमित प्रसाद सिंह, प्रदेश उपाध्यक्ष गोविन्दराज राना, सचिव सरोज जोशी, जिल्ला कोषाध्यक्ष निलम चौधरी, सदस्य जयराम चौधरी, गुरीलाल चौधरी, सिमा सेवा, नगर अध्यक्ष गोपीलाल चौधरी, कविता जैरुलगायतसे ज्ञापनपत्र बुभाइल रहिट ।
