महिलाहुँक्रे अभिन हिंसा सहना बाध्यता
पहुरा समाचारदाता
धनगढी, १२ अगहन । महिलाहुक्रे अभिनफे घर परिवार ओ समाजमे हिंसा सहना बाध्य हुइल एक कार्यक्रमके सहभागीहुक्रे बटैले बटै ।
मानव अधिकारका लागि महिला एकल महिला समुह सुदूरपश्चिम प्रदेश शुकके रोज अत्तरीयामे कुर्वे विष्ट्रोके सहयोगमे आयोजना कैगिल महिला उप्पर हुइना लैङिक हिंसा न्यूनिकरण ओ सहभागिता शासन प्रवद्र्धनके दाग सार्वजनिक कार्यक्रममे सहभागीहुक्रे ओसिन उ बत्वाइल रहिट ।
कार्यक्रममे प्रमुख अतिथि रहल सुदूरपश्चिम प्रदेशसभा सदस्य तुल्सी देवकोटा महिलाहुक्रे अभिन पीडा सहके बैठे पर्ना अवस्था रहल बटैली ।
निति निर्माण तथा निर्णायक भूमिकामे महिलाके सहभागी न्यून बा,उहाँ कहली, ‘महिला हिंसा न्यूनिकरण कैना हो कलेसे सहभागिता केल्ह नाही निर्णायक ठाउँमे पुग्न पुगैना जरुरी बा । लैङिक ंिहसा न्यूनिकरण एकल प्रयाससे नाही सामुहिक रुपमे जैना जरुरी रहल उहाँ बटैली ।
गाउँ ठाउँमे विकासे योजना सक्कु जानेक रहल कहटी संघ, प्रदेश वा स्थानीय तह नैकहिके सक्कु जाने निगरानी आवश्यक रहलफे बटैली ।
गोदावरी नगरपालिकाके नगरउप प्रमुख शारदा देवी रोकाया गठबन्धन हुईबेर महिलासे पैना कतिपय पद पुरुषसे पाइल ओ महिलाहुकनहे राजतिनिधि अइना समस्या रहल बटैली । २०७९ सालमे अपनेहुक्रे निर्वाचित हुके आइबेर आर्थिक मन्दी, म्याचिङ बजेट कहटी कहटी अन्तिममे कटौती अब्बे आके जेनजी कारण भौतिक संचरनामे क्षति हुके सामाजिक क्षेत्रमे लगैना बजेट कटौती हुइल बटैली । भौतिक विकास संगे सामाजिक विकास आवश्यक रहल उहाँ बटैली ।
गोदावरी नगरपालिका वडा नम्बर ७ के वडा अध्यक्ष कलावती साउद महिला उप्पर महिलासे हिंसा हुइटी आइल बटैली । महिलाहु्क्रे हकअधिकारके बाट केल्ह उठैना नाही अपनेफे सक्रिया हुइना जरुरी रहल बटैली ।
नेपाल महिला संघके जिल्ला अध्यक्ष शारदा सुनाम महिलाहुकनसे घर हिंसा सुरुवाट हुइटी कार्य स्थलमे समेट हिंसा हुइल बटैली ।
सुदूरपश्चिम महिला जागरण मञ्चके अध्यक्ष तथा टे«ड यूनियन काँग्रेसके केन्द्रीय सदस्य शान्ति सिंह एकल महिला भिटरफे पीडा ओ श्रमिक अवस्थाबारे अध्ययन कैना जरुरी रहल बटैली ।
कैलाली उद्योग वाणिज्य संघके सदस्य अम्विका भण्डारी महिलाहुकनके लाग बनाइल ऐन कानूनके प्रभावकारी कार्यान्वयन हुई पर्ना बटैली ।
कार्यक्रममे सामाजिक अभियान ठाकुर प्रसाद करियाप्रधान सार्वजनिक संलग्नता कार्यक्रम मार्फत सहभागितामुलक सुशासन प्रवद्र्धन तथा महिलाउप्पर हुइना लैगिंक हिंसा सम्बोधनबारे प्रस्तुतीकरण करल रहिट ।
यिहे फाया नेपालके अध्यक्ष तथा मानव अधिकारका लागि महिला एकल महिला समुह सुदूरपश्चिम प्रदेशके सल्लाहकार गोमा आचार्य जेनजी आन्दोलन पाछेक अब्बेक अवस्था, राजनीति तथा समाजसेवामे महिला लागेबेर नैलागेबेरके अवस्था, महिला नेतृत्व तहमे आइबेर फरल ओ आव राज्यके भूमिका विषणमे राउण्ड टेबुल छलफल करैले रहिट ।
मानव अधिकारका लागि महिला एकल महिला समुहके जिल्ला अध्यक्ष भगवती हमालके अध्यक्षतामे हुइल कार्यक्रमके संचालन प्रदेश कार्यक्रम अधिकृत वेद अवस्थी ओ स्वागत मन्तव्य कोषाध्यक्ष मिना भण्डारी करल रहिट ।
