युवा तथा वयस्क पुरुषके लाग लैंगिक समानता प्रवर्धनबारे छलफल

पहुरा समाचारदाता
धनगढी, १२ अगहन । लैंगिक हिंसा बिरुद्धके १६ दिने अभियानके अवसरमे दलित महिला अधिकार मंच नेपालसे शुकके रोज कैलारीमे युवा तथा वयस्क पुरुषके लाग लैंगिक समानता प्रवर्धन छलफल तथा स्रोत सामाग्री पुस्तक हस्तान्तरण करले बा ।

कैलारी गाउँपालिका अध्यक्ष राजसमझ चौधरीके प्रमुख आतिथ्यतामे हुइल कार्यक्रममे उहाँ समाजमे तमान खाले हिंसा हुइटी रहल ओ यी पुस्तकके माध्यमसे जनचेतना फैलैना सहयोग पुग्न बटैलै । कार्यक्रमके अध्यक्ष तथा महिला तथा बालबालिका शाखाके प्रमुख वालकुमारी चौधरी कितावमे महत्वपूर्ण बाट समेटल कहटी यकर अध्ययन सक्कु जाने करेपर्ना बटैली ।

कार्यक्रममे प्रस्तुतीकरण तथा उद्देश्यवारे जानकारी कार्यक्रम अधिकृत मिनबहादुर हुडके ओ संचालन सामाजिक परिचालक निलु चौधरी करल रहि । छलफल कार्यक्रममे कैलारी गाउँपालिकाके प्रमुख प्रशासकीय अधिकृत खगेन्द्रराज जोशीलगायत पुरुष च्यापियनहुकनके सहभागिता रहे ।