लैगिक समानता तथा सामाजिक समावेशीकरण ओ जेसी अडित सम्बन्धी कार्यशाला

पहुरा समाचारदाता
धनगढी, १० चैत । लैगिक समानता तथा सामाजिक समावेशीकरण ओ जेसी अडित सम्बन्धी दुई दिने कार्यशाला कैलारीमे सम्पन्न हुइल बा ।

कैलारी गाउँपालिका महिला बालबालिका तथा जेष्ठ नागरिक शाखाके आयोजनामे केयर नेपाल ओ आइडिई के आर्थिक सहयोग तथा याक नेपालके समन्वय सहकार्यमे लैगिक समानता तथा सामाजिक समावेशीकरण ओ जेसी अडित सम्बन्धी कार्यशाला कैगिल हो ।

कैलारी गाउँपालिका उपाध्यक्ष भगवतीकुमारी चौधरीके अध्यक्षतामे हुइल कार्यक्रममे गाउँपालिका अध्यक्ष राजसमझ चौधरी प्रमुख अतिथि रहिट ।

दुई दिने कार्यशालामे कैलारी गाउँपालिकाके १०० ठो इण्डिकेटरमे छलफल करके लैगिक समानता तथा सामाजिक समावेशीकरण ओ जेसी सम्बन्धी कार्ययोजना बनागिल बा । दुई दिने कार्यशालामे केयर नेपालके जेसी विशेषज्ञ विना पन्त आृ याक नेपालके जेसी अधिकृत सरिता चौधरी सहजीकरण करल रहिट ।

समापन कार्यक्रममे गाउँपालिका उपाध्यक्ष भगवतीकुमारी चौधरी लैगिक समानता तथा सामाजिक समावेशीकरण ओ जेसी कार्य निर्माण हुइलपाछे काम कैनामे सहजता हुइना बटैली ।

कार्यशालासे बनागिल कार्ययोजनामे का बा टे ?

लैगिक समानता तथा सामाजिक समावेशीकरण अवस्था सुधारके लाग लैंगिक तथा समावेशी क्षमता विकास कार्यक्रम सञ्चालनके लाग अलगे बजेट विनियोजन करके खर्च कैना कार्यविधि निर्माण कैना कहल बा ।

लैंगिक तथा समावेशी क्षमता विकास कार्यक्रम सञ्चालनके खण्डीकृत तथ्याङ्क संकलन करके प्राथमिकताके आधारमे कार्यक्रम सञ्चालन कैना बा ।

जनप्रतिनिधि ओ कर्मचारीके लाग लैंगिक तथा समावेशी विकास, लैंगिक हिंसा निवारण सम्बन्धी तालिममे महिला ओ पुरुषके समान सहभागिता सुनिश्चित कैना कहल बा ।

मानव संशाधन विकासके शाखा÷ इकाइके व्यवस्थापन ओ दक्ष जनशक्तिके व्यवस्थापन कैना, महिला ओ लक्षित समुदाय लक्षित लोक सेवा आयोग पुर्व तयारी कक्षा कार्यक्रम कैना कहल बा ।

महिला हकहित ओ अधिकार सम्बन्धी बेइजिङ घोषणा पत्रके १२ ठो प्रतिबद्धताके बारमे सक्कु कर्मचारी तथा जनप्रतिनिधिहे अभिमुखीकरण कैना, समाजे रहल हानिकारक अभ्यास हटैना प्रभावकारी रुपमे कार्यक्रम सञ्चालन कैना कहल बा ।

महिला तथा समावेशी समुहसे निर्वाचित जनप्रतिनिधि ओ कर्मचारीहे महत्वपुर्ण कानूनके बारेमे अभिमुखीकरण, प्रत्येक वडामे महिलाके लाग कानूनी सचेतना सम्बन्धी अनुशिक्षाण कार्यक्रम कैना कहल बा । समुदायमे रहल हानिकारक अभ्यास नियन्त्रणके लाग नीति कार्यक्रम ओ बजेट तर्जुमा करके कार्यन्वयन कैना कहल बा ।

ग्रामीण समुदायके महिला दलित ओ बालबालिका ओ अपाङ्ता हुइल व्यक्तिहे ओइनके अधिकारके विषयमे सुसूचित कैना विद्यमान कानूनके विषयमे जानकारी करैना ओ परामर्श कार्यक्रम कहल बा । विपद् व्यवस्थापन सम्बन्धी कार्य सञ्चालन करेबेर प्रभावित महिला तथा लक्षित वर्ग वा समुदायहे प्राथमिकताके आधारमे सहभागी करैना कहल बा ।

ओस्टेक करके जेसी अडिट तथा दस्ताबेजिकरण कैना, श्रम सम्बन्धी ऐन बनाई पर्ना, लक्षित समुहके वस्तुगत अवस्था विश्लेषण तथा दस्ताबेजीकरण कैना कहल बा । लैंगिक उत्तरदायी तथा सामाजिक समावेसी बजेट निर्माण ओ परिक्षण, गाउँपालिकाके आवधिक कार्ययोजना तयार करके उहे अनुसार बजेट निर्माण कैना कहल बा ।

ओस्टे स्थानीय तहमे कर्मचारी भर्ना करेबेर ३३ प्रतिशत महिला कर्मचारी प्रतिनिधित्व कैना, स्थानीय तहके कर्मचारीहे समाबेशी बनाइक लाग स्थानीय सरकारसे बनाइल करार कानुनके आवश्यक संशोधन करके समाबेश करेपर्ना कहल बा । स्थानीय तहमे हुइना दुव्यवहार, भेदभाव ओ महिला हिंसा कम कैना रहल आचारसहिताके कार्यानवयन करेपर्ना, लेखा प्रणालीमे हुइल समाबेशी बजेट तथा खर्च सूचना प्रणालीमे उत्तरदायि हुईपर्ना कहल बा । बेरोजगार तथा गरिबके खण्डिकृत तथ्यांक तथा नक्सांकन करेपर्ना ओ पाश्र्रचित्र बनाईपर्ना आवधिक योजना बनाके बार्षिक योजनामे नीति तथा कार्यक्रममे समाबेश करेपर्ना कह बा । अवस्था सुधारके लाग आवश्यक क्रियाकलाप करके स्थानीय तहमे क्रियाशिल सहकारी संस्थाहे गरिब ओ सीमान्तकृत मैत्री बनैना कानुन निर्माण करके कार्यान्वयन करेपर्ना कहल बा ।

विपन्न समुदायके क्रय क्षमतामे बृद्धि कैना सुपथ मूल्य पसलके व्यवस्थापन कैना मापदण्ड पुरा कर सहकारीहे अनुदानके व्यवस्थपन कैना, सहकारी संस्थाके प्रवद्र्धन सम्बन्धी नीति तथा कार्यक्रमके तर्जुमा करेपर्ना कहल बा ।

बेजिङ्ग घोषणा पत्रमे रहल प्रतिवद्धताके विषयहमे सचेतना अभिबृद्धि कैना कार्यक्रमके निर्माण कैना, संयुक्त राष्ट संघिय बाल अधिकार महान्धीमे रहल व्यवस्थाके कार्यान्वयन कैना स्थानीय तहके कानुन निर्माण ओ परिमार्जन कैना नीति तथा कार्यक्रम कार्यान्वयन कैना कहल बा ।

स्थानीयतहसे नियमित रुपमे सञ्चालित कार्यक्रमके सार्वजनिक सुनुवाई, सूचनाके सार्वजनिकिरण कैना ओ पत्रकार मार्फत सूचना प्रवाह कैना कहल बा ।

बाल संजाल, बाल अधिकार समिती ओ बालकोष ओ अस्टे बालअधिकारसंग सम्बन्धित संरचना ओ प्रणालीहे सक्रिय बनैना, महिला अधिकार ओ बेजिङ्ग घोषणा पत्रमे रहल प्रतिवद्धता कार्यान्वयनके लाग कानुनके परिमार्जन कैना कहल बा ।
उत्तरदायित्व ओ जवाफदेहिता प्रवर्धनके लाग कानूनी प्रवधानहे कार्यान्वयन कैना, स्थानीय तहसे कैना सार्वजनिक परिक्षण, सामाजिक परिक्षण, सार्वजनिक सुनुवाई ओ सूचनाके सार्वजनिकिकरणमे लक्षित वर्ग (महिला, दलित, अपांगता ओ सीमान्तकृत) समुदायके भुमिका अभिवृद्धि कैना कहल बा । सूचना ओ जानकारी, गुनासो व्यवस्थापनमे सक्कु वर्गके सहज पहुँचके व्यवस्थापन कैना कहल बा ।

सार्वजनिक सुनुवाइमे उठल विषयके सहजीकरण कैना, लै.स.सा.स. सम्बन्धी सचेतना अभिवृद्धिके लाग नीति तथा योजना तर्जुमा करके कायान्वयन कैना कहल बा । सूचना, शिक्षा तथा सञ्चार सम्बन्धी नीति, कार्यक्रम तर्जुमा करके कार्यक्रम तर्जुमा कैना, कार्यकमके नियमित अनुगमन तथा मूल्यांकनके वइवस्था कैना ओ पृष्ठपोषणके आधारमे कार्यक्रम कार्यान्वयन कैना कार्ययोजना बनागिल बा ।

दुई दिने कार्यशालामे कैलारी गाउँपालिकाके वडा अध्यक्षहुक्रे, विषयगत टमान शाखाके प्रमुख, वडा सदस्यहुकनके सहभागिता रहे ।