नवजीवन सहकारीमे केशवराज मिश्रके प्यानल सार्वजनिक

पहुरा समाचारदाता
धनगढी, २८ बैशाख । नवजीवन सहकारी संस्था लिमिटेडके आगामी निर्वाचनहे लक्षित करटी केशवराज मिश्र नेतृत्वके समूहसे वृहत् प्यानल घोषणा करले बा ।

पत्रकार सम्मेलन मार्फत समूहसे अपन १६ बुँदे प्रतिवद्धता सार्वजनिक करटी सहकारीहे देशके नमूना बनैना दृढ संकल्प व्यक्त कैगिल बा ।

अध्यक्ष पदके उम्मेदवार मिश्र कहलै, “पछिल्का समय सहकारी क्षेत्रमे डेखल समस्या ओ चुनौतीहे रोक्न योग्य, सक्षम ओ स्वच्छ छविके नेतृत्व आवश्यक बा । नवजीवनहे नयाँ ओ नमूना सहकारी बनैना अभियानमे हम्रे पूर्ण रूपमे प्रतिबद्ध बटी ।”
समूहसे नवजीवनहे देशके उत्कृष्ट सहकारीमध्ये एक बनाइल दाबी करटी सदस्यहे सक्षम नेतृत्वके लाग अपन टिमहे भोट डेना अपिल करले बा । २३औँ वार्षिक साधारणसभा तथा निर्वाचनहे लक्षित करटी सार्वजनिक करल १६ बुँदे प्रतिबद्धता बहुट आकर्षक ओ व्यावहारिक बटै ।

प्रतिवद्धताके प्रमुख बुँदाः
–सहकारी सदस्यमे शिक्षा ओ सचेतना अभिवृद्धि कार्यक्रम सञ्चालन
–खराब कर्जाके पूर्ण फस्र्योटके लाग विशेष समिति गठन
–सहकारीसे सम्पत्ति खरिद प्रक्रियाके पूर्ण समीक्षा ओ पारदर्शिता
–‘एक घर, एक सदस्य’ नीति कडाइके साथ लागु
–निर्वाचन लक्षित नाही, सक्रिय ओ नियमित सदस्यहे प्राथमिकता
–कर्मचारी भर्ना ओ तहवृद्धिहे पूर्ण पारदर्शी बनैना सेवाग्राहीसँग नम्र, व्यावसायिक ओ हाली सेवा
–शेयर सदस्यहे उत्पादनसँग जोडी नमूना नवजीवन निर्माण
–हरेक कार्यालयमे सहकारी सहजकर्तासहित हेल्प डेस्क स्थापना
–उपचार खर्च वृद्धि ओ स्वास्थ्य बीमा सुविधा विस्तार
–मल, बीउ तथा कृषि सामग्रीमे सहकारी सदस्यहे सहज ओ सस्ता व्यवस्था
समूहसे सहकारीहे केवल ऋण डेना ओ बचत लेना संस्थामात्र नैहुके सदस्यके जीवनस्तर उकस्न, उत्पादनसँग जोरना ओ नमूना संस्थाके रूपमे विकास कैना स्पष्ट भिजन प्रस्तुत करल बा । का अब नवजीवन सहकारीसे जाटिक ‘नयाँ अध्याय’ लिखे सेकी ? सदस्यहुकनके मतले यी प्रश्नके उत्तर दि । निर्वाचन लग्गे हुइटी करेबेर यी प्यानलसे सहकारी आन्दोलनमे नयाँ बहस ओ आशा जगाइल बा ।