लैंगिक उत्तरदायी बजेट तथा लैंगिक समावेशी योजना सम्बन्धी तालिम
पहुरा समाचारदाता
धनगढी, ८ जेठ । सुदूरपश्चिम प्रदेशके धनगढीमे लैंगिक उत्तरदायी बजेट तथा लैंगिक समाबेशी योजना” सम्बन्धी तालिम सम्पन्न हुइल बा ।
१८ से २० मे, २०२६ (२०८३ जेठ ४ से ६) सम संचालन हुइल तालिम महिला पुनस्र्थापना केन्द्र (ओरेक) के आयोजना तथा यूएनवुमनके सहयोगमे शसक्त महिला समृद्ध नेपाल कार्यक्रम अन्तर्गत सुदूरपश्चिम प्रदेशके ४ जिल्लाके ५ ठो पालिकाके नगरप्रमुख, उपप्रमुख, प्रमुख प्रशासकीय अधिकृत तथा प्रसासन प्रमुख, योजना, लेखा, सामाजिक विकास तथा महिला बालबालिका शाखाहे लक्षित करके ३ दिने तालिम सम्पन्न करल हो ।
तालिममे बाजुराके बडिमालिका, डोटीके दिपायलसिलगढी ओ कञ्चनपुरके बेलौरी नगरपालिकाका, कैलालीके घोडाघोडी ओ कैलारी गाउँपालिका लगायत २१ जानेक सहभागीता रहे ।
लैङ्गिक समानता तथा सामाजिक समावेशीकरण, अन्तरविविधता तथा स्थानीय शासनमे जेसिके महत्व, जिआरवी प्रवद्र्धनमे स्थानीय तहके भूमिका, संवैधानिक व्यवस्था, स्थानीय सरकार सञ्चालन ऐनके सम्बन्धित प्रावधान, जिआरवी सम्बन्धी राष्ट्रिय नीति तथा निर्देशिका, कार्यान्वयनमे स्थानीय तहके जिम्मेवारी बारेमे दोहोरो छलफलसहित प्रयोगात्मक अभ्यास करल महिला पुनस्र्थापना केन्द्र (ओरेक) के सुदूरपश्चिम प्रदेश संयोजक सपना थापा बटैली ।
बजेट निर्माण चक्रके, कार्यक्रम डिजाइन तथा बजेट निर्माणमे जेसि दृष्टिकोण समावेश कैना तरिकाके अभ्यास, जिआरबी कोडिङके मापदण्ड प्रयोग करके स्थानीय तहके कार्यक्रम तथा बजेटके विश्लेषण, कम्जोरी तथा सुधारके क्षेत्र पहिचान, साथे सामाजिक जवाफदेहिता प्रवद्र्धन कैना प्रमुख उपकरणलगायतके विषयमे रहिके तालिम संचालन करल रहे ।
