युवाके साझा सवाल, माग तथा प्रतिवद्धता समेटल ६ बुँदे घोषणापत्र मुख्यमन्त्रीहे बुझागिल
पहुरा समाचारदाता
धनगढी, १३ जेठ । सुदूरपश्चिम नागरिक संस्था युवा मञ्चसे सुदूरपश्चिम प्रदेश सरकारके मुख्यमन्त्री कमलबहादुर शाह युवाके साझा सवाल, माग तथा प्रतिवद्धता समेटल ६ बुँदे घोषणापत्र मुख्यमन्त्रीहे बुझागिल बा ।
सुदूरपश्चिम प्रदेश युवा सम्मेलन–२०२६” से उठाइल युवाके साझा सवाल, माग तथा प्रतिबद्धता समेटल ६ बुँदे घोषणापत्र सुदूरपश्चिम प्रदेश सरकारके मुख्यमन्त्रीहे बुझाइल युवा अभियान सुदूरपश्चिम प्रदेशके प्रदेश संयोजक टेक साउद जनैलै । सम्मेलनसे संकलित सुझाव तथा माग प्रदेश सरकारके नीति तथा कार्यक्रममे समावेश कराइक लाग मुख्यमन्त्री कमलबहादुर शाहहे औपचारिक रूपमे बुझाइल उहाँ जनैलै ।
संयोजक साउद सम्मेलनमे सुदूरपश्चिमके नौ जिल्लासे सहभागी युवाहुक्रे आपन अनुभव, समस्या, सुझाव ओ अपेक्षा प्रस्तुत करल जानकारी डेलै । उ सक्कु विषयहे समेटके तयार करल घोषणापत्र प्रदेश सरकारसमक्ष बुझाइल उहाँ बटैलै । घोषणापत्र बुझ्टी मुख्यमन्त्री शाह युवाके मागहे अपने सकारात्मक रुपमे लेहल बटैले बटै ।
घोषणापत्र बुझाई गैरसरकारी संस्था महासङ्घ सुदूरपश्चिम प्रदेशके प्रदेश सचिव नरेश प्रसाद ओझा, प्रदेश संयोजक गोकुल खड्का, अभियानके प्रदेश संयोजक टेक साउद, प्रदेश सदस्य बम बहादुर बिक, प्रदेश सदस्य रञ्जना डंगौरा, युवा अभियन्ता सन्तोष रावल लगायतके युवाहुकनके उपस्थिति रहल रहे ।
