जनजागृति महिला कृषक समुहसे लागु औषध दुव्र्यशनी न्यूनिकरण सचेतनामुलक कार्यक्रम
पहुरा समाचारदाता
धनगढी, १६ जेठ । कैलारी गाउँपालिकाके वडा नम्बर ४ स्थित के गाउँमे रहल जनजागृति महिला कृषक समुहसे लागु औषध तथा दुव्र्यसनी न्यूनिकरण सम्बन्धी सचेतनामुलक कार्यक्रम करले बा ।
डिसिएके आर्थिक सहयोगमे दलित महिला अधिकार मञ्च नेपालसे सञ्चालित पहुँच परियोजना अन्र्तगतके समन्वय सहकार्यमे जनजागृति महिला कृषक समुहके आयोजनामे लागु औषध दुव्र्यशनी न्यूनिकरण सचेतनामुलक कार्यक्रम कैगिल हो ।
समुहके अध्यक्ष गणेशी चौधरीके अध्यक्षतामे हुइल कार्यक्रममे कैलारी गाउँपालिका वडा नम्बर ४ के वडा अध्यक्ष ठागुराम चौधरी प्रमुख अतिथि रहल रहिट ।
ढेर जैसिन यूवा आपन संघरियाके लहलहैमे लागु औषध दुव्र्यसनीमृ फस्टी कहटी गलत संघरियाके साथ लागे नैहुइना बटैलै । लागु औषध सेवन करलेसे भारी मनै नैबन्ना बल्की लागु औषध प्रयोगकर्ता हरेक चिजसे बञ्चित हुइना उहाँ बटलै ।
प्रत्येक डाई बाबाके अपन सन्तान भारी बनिट कना सपना रहठ, उहाँ कहलै, लागु औषध सेवन करलेसे आपनहे हानी हुइठ । ओहोर डाई बाबाक सपनाफे चकनाचुर हुइठ ।
गाउँपालिकासे लागुऔषध दुव्र्यसनी न्यूनिकरण करेक लाग प्रत्येक विद्यालयमे न्यूनिकरण सम्बन्धी सचेतनामुलक कार्यक्रम संचालन करटी आइल बटैलै । लागुऔषध प्रयोगकर्ताहे पक्राउ करलेक लाग गाउँपालिकासे निगररानी समुह परिचालन करलफे उहाँ बटैलै ।
कार्यपालिका सदस्य लालबहादुर विक बालबालिकाहुकनहे कुलटमे लग्ना कारण पत्ता लगाईपर्ना बटैलै । हरेक अभिभावक छाईसे ढेर छावाहे माया कैना करल कारण कतिप लउण्डा मनै विगरल बटैलै ।
पत्रकार प्रेम चौधरी हरेक अभिभावक आपन लर्कनके निगरानी रख्लेसे बहुट जैसिन लागु औषध दुव्यसनीसे बच्ना बटैलै ।
दलित महिला अधिकार मञ्चके सामाजिक परिचालक सीमा महतो. लागु औषध दुव्र्यसनी न्यूनिकरण करेक सक्कु जाने प्रयास करलेसे केल्ह न्यूनिकरण करेसेक्ना बटैली । कार्यक्रममे सहभागी रोहन नेपाली ओ भगतबहादुर सुनार यूवाहुकनहे सचेत बनैना यी मजा कार्यक्रम रहल बटैलै ।
कार्यक्रममे इलाका प्रहरी कार्यालय हसुलियाके प्रहरी वरिष्ठ हवल्दार दलवहादुर धामी लागु औषध दुव्यर्सनी यकर प्रभाव ओ कानूनी सजयबारे प्रशिक्षक डेहल रहिट । कार्यक्रमके संचालन कैलारी गाउँपालिका वडा नम्बर ४ वडा सदस्य शोभा परियार करल रहिट । कलेसे स्वागत मन्तव्य समुहके सदस्य कुमारी वड करल रहिट । कार्यक्रममे उ समुहके प्रतिनिधि सदस्य, टमान टोलके भल्मन्सा, आमा समुहके प्रतिनिधि, यूवाहुकनके सहभागिता रहे ।
