मानव अधिकार सम्बन्धी सचेतना कार्यक्रम सम्पन्न
पहुरा समाचारदाता
धनगढी, २० जेठ । अनौपचारिक क्षेत्र सेवा केन्द्र(इन्सेक) सुदूरपश्चिम प्रदेश कार्यालय, धनगढीके समन्वय ओ लालझाडी गाउँपालिका स्तरीय मानव अधिकार समुहके आयोजनामे लालझाँडी गाउँपालिका तथा लालझाँडी गाउँपालिका—५ वडा कार्यालयके आर्थिक सहयोगमे मानव अधिकार सम्बन्धी सचेतना कार्यक्रम मगरके रोज लालझाडी गाउँपालिका वडा नं.५ देखतभुुलीमे सम्पन्न हुइल बा ।
इन्सेक सुदूरपश्चिम प्रदेश संयोजक खडकराज जोशी मानव अधिकारके आधारभुत आवश्यकता शिक्षा, स्वास्थ्य, खाद्य, आवाससंगे अब्बेक बडल्टी परिस्थितिमे स्वच्छ वातावरण ओ व्यवसायफे मानव अधिकारके लाग अपरिहार्य हुसेकल ओरसे स्वच्छ वातावरण ओ व्यवसायप्रति फे नागरिक ओ सरोकारवाला निकाय सचेत हुइना आवश्यक रहल बटैलै ।
उहाँ मानव अधिकार संरक्षणके लाग पालिकामे मानव अधिकार समुह गठन करके उहे समुह मार्फत नागरिकहे सचेत परटी स्थानीय सरकारहे खबरदारी ओ जवाफदेही बनैना काम करटी आइल बटैलै ।
राष्ट्रिय मानव अधिकार आयोगके प्रमुख मान बहादुर कार्की राज्यसे नेपालके संविधानके मौलिक हकमे उल्लेख करल अधिकारके कार्यान्वयन नैकरल खण्डमे राष्ट्रिय मानव अधिकार आयोगसे नागरिकके मानव अधिकार संरक्षण ओ सम्बद्र्धनके लाग मौलिक हक कार्यान्वयन कैना करैना सम्बन्धित निकायहे सिफारिस करके मानव अधिकार प्रवद्र्धन करटी अइटी रहल बटैलै ।
लालझाँडी गाउँपालिकाके अध्यक्ष निर्मल राना इन्सेकके समन्वयमे गठन हुइल पालिका स्तरीय मानव अधिकार समुहसे नागरिकहे सचेत कैना ओ स्थानीय सरकारहे खबरदारी तथा जवाफदेही बनैनाके साथे महिला हिंसा, जातिय विभेद जैसिन टमान सचेतना मुलक कार्य करटी आइल बटैलै ।
साथे २०७९ सालमे मानव अधिकार समुह पालिकामो दर्ताहुके संस्थागत रुपमे पालिकाके नीति तथा कार्यक्रम अनुरुप मानव अधिकार संरक्षण ओ सम्बद्र्धन कार्य करटी रहल ओरसे पालिकासे उ शिर्षकमे वजेट विनियोजन करके कार्यक्रम कैना अनुमति डेलै ।
लालझाँडी गाउँपालिका—५ वडा अध्यक्ष पहल बहादुर थापा मानव अधिकार समुहसे शिक्षा, स्वास्थ्य ओ लैङ्गिक हिंसा, बालविावह तथा लागुपदार्थ दुव्र्यशनी विरुद्ध जनचेतनामुलक कार्यक्रम करटी आइल ओरसे पालिका ओ वडा कार्यालयसे निरन्तर समन्वय ओ सहयोग करटी आइल ओ आगामी दिन फे सहयोग करेपर्ना बटैलै ।
लालझाडी गाउँपालिका स्तरीय मानव अधिकार समुहके अध्यक्ष सोमनाथ राना मानव अधिकारके क्षेत्रमे काम कैना अग्रणी संस्थाके रुपमे काम करटी आइल इन्सेकसे नागरिकहे सचेत बनौा ओ स्थानीय सरकारहे खबरदारी ओ जवाफदेही बनैना मार्ग दर्शन करलमे निरन्तर समन्वय ओ सहयोग कैना स्थानीय सरकार ओ इन्सेकहे धन्यवाद ज्ञापन करलै ।
