एक दिने एकिकृत महिला स्वास्थ्य शिविर सम्पन्न
पहुरा समाचारदाता
धनगढी, २५ जेठ । कैलालीके गौरीगंगा नगरपालिका वडा नं २ चौमलाके स्वास्थ्य चौकीमे एक दिने एकिकृत महिला स्वास्थ्य शिविर सम्पन्न हुइल बा ।
गौरीगंगा नगरपालिकाके आयोजनामे ओरेकसंगके सहकार्यमे उ शिविरसे जम्मा १८० जाने सेवा लेहल ओरेक कैलालीके जिल्ला संयोजक गीता चौधरी बटैली ।
उ शिविरमे महिला स्त्री रोग बिशेषज्ञ डा. से चेकजाँच तथा परामर्श, १६० जानेक एचपीभी डिएनए विधिसे पाठेघरके मुखके क्यान्सर परीक्षणके लाग स्वाब संकलन करल बा ।
ओस्टेक करके १६ जानेक पाठेघरके मुखके क्यान्सर परीक्षण करलमे पोजेटिभ डेखल ६ जानेक पाठेघरके सेकाई बिधिसे थप उपचार कैगिल बा ।
१४० जनहनहे समस्या अनुसारके निशुल्क औषधी, ३ जनहनहे रिग्ङ पेसिर सेवा २ जानेक यूएसजी बिधिसे स्तन क्यान्सरके परीक्षण, १०० जनहनहे व्यक्तिगत परामर्श तथा सयपत्री बाटचित ओ टमान विषयमे अभिमुखीकरण कैना कार्य हुइल संयोजक बटैली ।
