टीकापुरमे थारु सांस्कृतिक मेला महोत्सव हुइना

पहुरा समाचारदाता
टीकापुर, ३१ जेठ । कैलाली जिल्लाके पर्यटकीय नगर टीकापुरमे ‘थारु सांस्कृतिक मेला महोत्सव २०८३’ हुइना बा ।

शनिच्चरके आयोजक संस्था थारु टेलिभिजन प्रालि धनगढीसे शनिच्चरके रोज टीकापुरमे पत्रकार सम्मेलनके करके यिहे असार ३ गतेसे ७ गतेसम ‘थारु सांस्कृतिक मेला महोत्सव २०८३’ हुइना जनागिल हो । थारु समुदायके भाषा, संस्कृति, परम्परा, कला, साहित्य, लोकनृत्य, लोकसंगीत, मौलिक खानपान तथा सांस्कृतिक सम्पदाके संरक्षण, सम्वद्र्धन ओ प्रचारप्रसार कैना उद्देश्यले टीकापुरमे ‘थारु सांस्कृतिक मेला महोत्सव २०८३’ हुई जाई लागल थारु टेलिभिजन प्रालि धनगढीके अध्यक्ष पोखम चौधरी जानकारी डेलै ।

पत्रकार सम्मेलनमे उहाँ कहलै, ‘नेपाल बहुभाषिक, बहुसांस्कृतिक तथा बहुजातीय विविधतासे सम्पन्न राष्ट्र हो । यी विविधताभिटर थारु समुदायके अपने विशिष्ट पहिचान, गौरवशाली इतिहास, समृद्ध संस्कृति, कला, भाषा, साहित्य, लोकपरम्परा तथा जीवनशैली रहल बा । आधुनिकता ओ विश्वव्यापीकरणके प्रभावसँगै कतिपय मौलिक सांस्कृतिक लोप हुइना जोखिम बह्रटी रहल बेला यैसिन सांस्कृतिक सम्पदाके संरक्षण ओ प्रवद्र्धनके लाग थारु सांस्कृतिक मेला महोत्सवके आयोजना करेलागल हुई ।
आजको आवश्यकता बनेको छ।

यी महोत्सवसे थारु समुदायके सांस्कृतिक पहिचानहे राष्ट्रिय तथा अन्तर्राष्ट्रिय स्तरमे स्थापित कैना महत्वपूर्ण भूमिका खेल्न विश्वास लेहल अध्यक्ष जनैलै । महोत्सवसे सांस्कृतिक पर्यटनके विकास, स्थानीय उत्पादनके बजारीकरण, उद्यमशीलताके प्रवद्र्धन तथा स्थानीय अर्थतन्त्रहे समेत टेवा पुग्न अपेक्षा करल बा ।

महोत्सवमे थाारु समुदायके परम्परागत नृत्य, झुमरा, सखिया, मघौटा, लाठी नाँच लगायतके सांस्कृतिक प्रस्तुति रना जनागिल बा ।
ओस्टेक करके महोत्सवमे थारु परिकार प्रदर्शनी, हस्तकला प्रदर्शनी, कृषि उत्पादन प्रदर्शनी, पर्यटन प्रवद्र्धन प्रदर्शनी, स्थानीय उद्यमीहुकनके स्टल तथा विविध सास्कृतिक बहस कार्यक्रम समावेश कैना बा ।

यी महोत्सवसे युवा पुस्तामे अपन मौलिक संस्कृतिप्रति गर्व ओ अपनत्वके भावना विकास हुइना अपेक्षा करल बा । साथे आगामी पुस्ताहे थारु संस्कृति हस्तान्तरण कैना समेत यिहीसे महत्वपूर्ण योगदान पुगैना आयोजक जनैले बा ।

महोत्सवमे प्रदेश तथा स्थानीय तहके जनप्रतिनिधि, सरकारी निकाय, सांस्कृतिक अभियन्ता, बुद्धिजीवी, कलाकार, सञ्चारकर्मी पर्यटन व्यवसायी तथा सर्वसाधारण नागरिकहुकनके व्यापक सहभागिता रना अपेक्षा करल बा ।

सुदूरपश्चिम प्रदेश सरकार, उद्योग, पर्यटन तथा वातावरण मन्त्रालय अन्तर्गत प्रदेश पर्यटन विकास कार्यक्रम कार्यान्वयन इकाई धनगढी–कैलालीके सहयोगमे आयोजना हुइटी रहल थारु सांस्कृतिक मेला महोत्सव २०६३ मे भाषा, कला संस्कृति सम्बन्धी बौद्धिक बहसफे हुइना संचालक नाथुराम महतों बटैलै । थारु समुदायमे लोप हुइटी रहल गैया वेहर्ना कार्यक्रममे डेमो, सजना, मैना, डमारके प्रस्तुत हुइना उहाँ जनैलै ।

टेलिभिजनके संचालक मनमति बखरिया यी कार्यक्रमसे थारु समुदायमे रहल पौराणिक तथा परम्परागत कला, संस्कृति, ज्ञान सीप लौव पिढीमे हस्तान्तरणमे टेवा पुग्ना बटैली ।

टेलिभिजनके कार्यकारी निर्देशक कुन्नु नारायण चौधरी मेला तयारी अन्तिम चरणमे रहल ओ २ गतेसम पुरा हुइना बटैलै । उहाँ स्थानीय तथा प्रदेश सरकार ओ प्रहरी प्रशासनमे समेट समन्वय हुसेकल जनैलै ।

पत्रकार सम्मेलनमे सल्लाहकार मालामति राना मेला भव्य रुपसे सम्पन्न सक्कु जानेक सहकार्य अनिवार्य रना बटैली । कार्यक्रममे मेलाके संयोजक ओम प्रकाश गोजिहार पाँच दिनसम कैना कार्यक्रमबारे जानकारी डेटी प्रस्ट पारल रहिट । कार्यक्रमके संचालन दिव्य प्रियासी करल रही ।