अनशनरत डा. केसी अस्पताल भर्ना

पहुरा समाचारदाता
धनगढी, ९ सावन । धनगढीके कृष्ण मन्दिरस्थित धर्मशालामे तीन दिनसे अनशनरत डा. गोविन्द केसीके स्वास्थ्यमे समस्या डेखलपाछे सेती प्रादेशिक अस्पतालमे भर्ना करके आईसीयूमे उपचार सुरु करल बा ।

अनशनके क्रममे डा. केसीके शरीरमे सुगरके मात्रा ५० पुगलपाछे स्वास्थ्य अवस्था कमजोर हुइल रहे ।
डा. केसीसे चिकित्सा शिक्षा ओ स्वास्थ्य क्षेत्रमे सुधार तथा स्वास्थ्य सेवाके पहुँच विस्तारलगायतके माग रख्टी २४ औँ अनशन सुरु करल रहिट ।

अनशनके क्रममे उहाँक स्वास्थ्यमे समस्या डेखलपाछे अस्पताल सारल हो ।
केसीके सहयोगी डा. अमृत जैसीके अनुसार उहाँक शरीरमे सुगरके मात्रा बहुट घटके ५० पुगल रहे । स्वास्थ्य अवस्था कमजोर बन्टी गैलपाछे उहाँहे धनगढीस्थित सेती प्रादेशिक अस्पताल लैगिल हो ।

केसी चिकित्सा शिक्षा ओ स्वास्थ्य क्षेत्रमे सुधार, स्वास्थ्य सेवाके पहुँच तथा सम्बन्धित विषयमे अपन माग सम्बोधन हुईपर्ना माग रख्टी अनशन सुरु करल हुइट ।