प्रोटोनके नयाँ ई–मास ५ धनगढीमे सार्वजनिक

पहुरा समाचारदाता
धनगढी, ११ सावन । प्रोटोनसे अपन नयाँ विद्युतीय कार ई–मास ५ सुदूरपश्चिममे पहिल चो धनगढीसे सार्वजनिक करले बा । नेपालके लाग आधिकारिक बिक्रेता जगदम्बा मोटर्स प्रालिसे अँटवार धनगढीमे आयोजित विशेष कार्यक्रममे नयाँ ईभी सार्वजनिक करल हो ।

नयाँ गाडीके सार्वजनिक कार्यक्रममे धनगढी उपमहानगरपालिकाके उपमेयर कन्दकला कुमारी राना सुदूरपश्चिममे पहिल चो यैसिन आधुनिक विद्युतीय सवारी धनगढीमे सार्वजनिक हुइना प्रदेशके लाग सकारात्मक सुरुआत हुइल बटैली । उहाँ विद्युतीय सवारीके प्रयोग बह्रलसंगे वातावरणीय प्रदूषण न्यूनीकरणमे टेवा पुग्न ओ न्युन मूल्यके कारण सुदूरपश्चिममेफे ईभीके माग उल्लेख्य रूपमे बह्रना विश्वास व्यक्त करली ।

कम्पनीसे ई–मास ५ हे प्राइम ओ प्रिमियम करके दुई भेरियन्टमे नेपाली बजारमे ल्यन्ले बा । प्राइम भेरियन्टके मूल्य २९ लाख ९९ हजार रुप्या ओ प्रिमियम भेरियन्टके मूल्य ३४ लाख ९९ हजार रुप्या निर्धारण करल बा । यी आघे नेपाली बजारमे ई–मास ७ सार्वजनिक करसेकल कम्पनीसे यी बार रियर ह्वील ड्राइभ प्रणालीमे आधारित ई–मास ५ बजारमे ल्यानल हो । ब्याट्री ओ रेन्जके हिसाबसे प्राइम भेरियन्टमे ३०.१२ किलोवाट–आवर क्षमताके ब्याट्री जडान करल बा, जिहीसे एकफेरके पुर्रा चार्जमे २२५ किलोमिटरसम यात्रा करे सेक्ना कम्पनीके दाबी बा ।

ओस्टेक, प्रिमियम भेरियन्टमे ४०.१६ किलोवाट–आवर क्षमताके ब्याट्री रहल बा, जिहीसे ३२५ किलोमिटरसम रेन्ज प्रदान कैना बटाइल बा । मोटर क्षमताओर प्राइममे ५८ किलोवाट ओ प्रिमियममे ८५ किलोवाट क्षमताके विद्युतीय मोटर प्रयोग करल बा । कम्पनीके अनुसार यी शक्तिशाली, सहज ओ आरामदायी ड्राइभिङ अनुभव प्रदान कैना सिनियर म्यानेजर सुशिल क्षेत्री बटैलै ।
ई–मास ५ मे १४.६ इन्चके टचस्क्रिन इन्फोटेन्मेन्ट डिस्प्ले, ८.८ इन्चके डिजिटल इन्स्ट्रुमेन्ट क्लस्टर, मल्टिफङ्सनल स्टेयरिङ ह्वील, ५० वाट वायरलेस फोन चार्जर, एम्बियन्ट लाइटिङ, किलेस इन्ट्री लगायतके आधुनिक सुविधा उपलब्ध बटै । सुरक्षाओर ६ ठो एयरब्याग, एड्भान्स्ड ड्राइभर असिस्टेन्स सिस्टम तथा ३६० डिग्री क्यामेरा जैसिन अत्याधुनिक सुरक्षा फिचर समावेश करल उहाँ जनैलै ।

प्रोटोन ई–मास ५ से मलेसियाके प्रतिष्ठित ‘भेइकल अफ द इयर अवार्ड–२०२६’ अन्तर्गत ‘इलेक्ट्रिक कम्प्याक्ट भेइकल अफ द इयर’ उपाधि समेत जिटसेकल कम्पनी जनैले बा ।

कम्पनीके अनुसार आकर्षक मूल्य, आधुनिक प्रविधि, पर्याप्त रेन्ज, उन्नत सुरक्षा सुविधा ओ वातावरणमैत्री विशेषताके कारण सार्वजनिक हुइल दिन ई–मास ५ प्रति ग्राहकके उत्साहजनक प्रतिक्रिया डेखल बा । कार्यक्रममे सहभागी कुछ ग्राहक उहे दिन गाडी खरिदसमेत करले बटै ।

प्रोटोनके नयाँ ई–मास ५ नेपाली विद्युतीय सवारी बजारमे सुलभ मूल्य, आधुनिक प्रविधि ओ सुरक्षा सुविधासहित प्रतिस्पर्धी विकल्पके रूपमे स्थापित हुइना बिश्वास कम्पनी करले बा । कार्यक्रममे जगदम्बा बिक्रेता जगदम्बा मोटर्स प्रालिके विरेन्द्र मण्डलके अध्यक्षतामे हुइल रहे ।