अवैध लागूऔषध चरेश सहित एक जाने पक्राउ

पहुरा समाचारदाता
बझाङ, २१ सावन । जिल्ला बझाङ जयपृथ्वी न.पा.११ धामीलेख स्थित उहे ठाउँ बैठना बर्ष ४८ के जयराज जोशी सञ्चालन करलके जोशी किराना एण्ड वाइन कर्नर पसलसे ५० ग्राम ५१ मिलिग्राम लागूऔषध चरेश जस्ते देखल कालो पदार्थ, तौल कैना हाते तराजु थान–१ ओ नगद रु.१२,४००।– सहित बुधके दोप्हर प्रहरी पक्राउ करल बा ।

जिल्ला प्रहरी कार्यालय बझाङसे खटल प्रहरी टोलीसे निज सञ्चालन करल पसलमे खानतलासी करके पसल भिटर लुकाइल छिपाई राखल अवस्थामे उ पदार्थ फेला पारके पक्राउ करल बा । इहे सम्बन्धमे प्रहरी आवश्यक अनुसन्धान करटी रहल बा ।