५८ हजार बराबरके सामान नियन्त्रण

पहुरा समाचारदाता
धनगढी , ५ कुवाँर । कैलाली जिल्लाके टमान ठाउँसे अवैध रुपमे भारतसे भन्सार छलि करके ल्यानल ५८ हजार बराबरके सामान नियन्त्रण करल बा ।

अवैध रुपमे भारतसे भन्सार छलि करके ल्यानल अन्दाजी मूल्य रु.५८ हजार ९० सय बराबरके सुर्ति, बोइलर मुर्गी, किराना, कम्पेन मेसिनके टमान पार्टपुर्जा लगायतके सामानहे नियन्त्रण करले बा ।

अँटवारके रोज जिल्ला प्रहरी कार्यालय कैलाली मातहत कार्यालयसे खटल प्रहरी बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल हो ।