दुई लाख ६५ हजार बराबरके सामान नियन्त्रण
पहुरा समाचारदाता
धनगढी, ६ कुवाँर । कैलाली ओ कञ्चनपुरके टमान ठाउँसे दुई लाख ६५ हजार बराबरके सामान नियन्त्रण करले बा ।
कैलाली जिल्लाके अवैध रुपमे भारतसे भन्सार छलि करटी ल्यानल अन्दाजी मूल्य रु.६० हजार ३ सय बराबरके सुर्ति, प्लाष्टिक झिल्ली लगायतके सामानहे नियन्त्रण करल हो ।
सोम्मारके रोज जिल्ला प्रहरी कार्यालय कैलाली मातहत कार्यालयसे खटल प्रहरी टोली बेवारिसे अवस्थामे फेला पारके आवश्यक प्रक्रिया पुरा करना नियन्त्रणमे लेहल बा ।
ओस्टेक करके, कञ्चनपुर जिल्लाके टमान ठाउँसे अवैध रुपमे भारतसे भन्सार छलि करके ल्यानल अन्दाजी मूल्य रु.२ लाख ५ हजार ६ सय ४० रुप्या बराबरके खेलौना, भाँडा वर्तन, टमान मेरके कपडा, कस्मेटिक, किराना लगायतके सामानहे नियन्त्रण करल हो ।
सोम्मारके रोज जिल्ला प्रहरी कार्यालय कञ्चनपुर मातहत कार्यालयसे खटल प्रहरी टोलिसे बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल हो ।
