गोदावरीमे साप काटके ५ वर्षीय बालकके मृत्यु

पहुरा समाचारदाता
धनगढी, ६ कुवाँर । कैलालीके गोदावरीमे साप काटके एक बालकके मृत्यु हुइल बा ।

गोदावरी नगरपालिका–९ बल्मीके गणेश नेपालीके ५ वर्षीय छावा विहान नेपालीके उपचारके क्रममे मंगर बिहान मृत्यु हुइल हो । भदौ २५ गते अपने घरके सुत्ना कोठामे खाटमे सुटटीरहल अवस्थामे उहाँहे साप काटल रहे ।

साप काटलपाछे उपचारके लग धनगढीस्थित सेती प्रादेशिक अस्पताल ल्यानल रहे । अस्पतालमे उपचारके क्रममे मंगर बिहान २ः३० बजे बालकके मृत्यु हुइल जिल्ला प्रहरी कार्यालय कैलाली जनैले बा ।