सामाजिक विकास समितिके सभापति पाठकहे नागरिक सवाल समेटल ध्यानाकर्षण पत्र बुझागिल
पहुरा समाचारदाता
धनगढी, १० कार्तिक । सुदूरपश्चिम प्रदेशके नागरिकके सवाल सम्बोधन कैना माग करटी सुदूरका आवाज (बहुसरोकारवाला नागरिक पैरवी मञ्च) से सुदूरपश्चिम प्रदेश सभा सामाजिक विकास समितिके सभापति धर्मराज पाठकहे ध्यानाकर्षण पत्र बुझागिल बा ।
मञ्चके अगुवाइमे मंगर सभापति पाठकहे नागरिकके टमान सवाल समेटल ध्यानाकर्षण पत्र हस्तान्तरण करल हो । नागरिकके सरोकारहे प्रदेश सभामार्फत सम्बन्धित निकायसम पुगैना ओ उ सवालके सम्बोधनके लाग पहल कैना ध्यानाकर्षण करैना उद्देश्यसे पत्र हस्तान्तरण करल मञ्च जनैले बा ।
ध्यानाकर्षण पत्र हस्तान्तरण कार्यक्रमके मञ्चके सदस्य पुष्पराज जोशी, निरङ्ग चौधरी, यमुना साउद ओ सुशीला धामीके सहभागिता रहल रहे ।
“सुदूरको आवाज“ नागरिक पैरवी मञ्चसे नागरिकका सवालहे संस्थागत रूपमे उठैटी सम्बन्धित निकायके ध्यानाकर्षण करैना मञ्चके सदस्य जोशी बटैलै ।
“युवा तथा लक्षितबर्गके सवाल समेटल ध्यानाकर्षण पत्र सरोकारवाला निकायहे बुझाके हम्रे ओइनहे झकझकैना काम कैबी,“ जोशी कहलै,“अभिनसम प्रदेश सरकार मातहत रहल मन्त्रालय तथा संसदीय समितिहे बुझैले बटी, यिहीहे पालिकासम बुझाके ध्यानाकर्षण करैबी ।“
