माया मेट्रो अस्पतालमे सिटिस्क्यान सेवा सुरु

पहुरा समाचारदाता
धनगढी, २० फागुन । धनगढीके माया मेट्रो अस्पताल तीन करोड लगानीमे सिटिस्क्यान सेवा सञ्चालनमे लन्ले बा ।
उद्योग, वाणिज्य तथा आपूर्ति मन्त्री लेखराज भट्ट उक्त सेवाके उद्घाटन करल हुइट । सिटिस्क्यानके लाग बाहर जाइ पर्ना बाध्यताके अन्त्य कैना उद्देश्यके साथ उ सेवा सुरु करल अस्पतालके अध्यक्ष धिरेन्द्र साउँद बटैलै ।
‘अस्पतालसे ६४ स्लाईसके सिटिस्क्यान मेसिन संञ्चालनमे लन्ले बा ।’ उहाँ कहलै, ‘झण्डै तीन करोडके लगानीमे सिटिस्क्यान मेसिन सञ्चालनमे लानल हुइटी ।’सिटिस्क्यान सेवाके उद्धघाटन कार्यक्रमके बर्का पहुना उद्योग, वाणिज्य तथा आपूर्ति मन्त्री भट्ट स्वास्थ्य क्षेत्र सेवामूलक व्यवसाय रहल ओरसे सिटिस्क्यान सेवासे ढिउरके जीवन बचना विश्वस व्यक्त करलै ।
सिटिस्क्यान मेसिन संञ्चालन करलपाछे नागरिक थप सेवा पैना राष्ट्रिय सभा सदस्य शेरबहादुर कुवँर बटैलै ।
धनगढीमे सिटिस्क्यान सेवा सञ्चालन हुइलपाछे बाहर जाइ पर्र्ना बाध्यताके अन्त्य हुइना धनगढी उपमहानगरपालिका प्रमुख नृपबहादुर वड बटैलै ।