डिजिटल हिंसा सम्बन्धी सरोकारवालासंग छलफल

पहुरा समाचारदाता
धनगढी, २५ सावन । डिजिटल हिंसा सम्बन्धी सरोकारवालासंग सोम्मारके रोज धनगढीमे छलफल कार्यक्रम हुइल बा ।

मानव अधिकारका महिला एकल महिला समुह सुदूरपश्चिम प्रदेश आयोजना तथा कुर्वे विष्ट्रोके सहयोगमे डिजिटल हिंसा सम्बन्धी सरोकारवालासंग छलफल हुइल हो ।

कार्यक्रममे राष्ट्रिय मानव अधिकार आयोग सुदूरपश्चिम प्रदेश प्रमुख मानबहादुर कार्की जन्ना ओ पह्रल लिखल मनैनफे डिजिटल हिंसा हुइटी रहल बटैलै । सामाजिक सञ्जालके कारण कतिपय अवस्थामे चिनजान हुइना पाछे जाके हिंसा हुइना करल बटैलै । कतिपय ठाउँमे चिनजान हुइना पाछे सम्बन्ध विगरलपाछे हत्या समेट हुइल घटना आइल उहाँ बटैलै । हरेक व्यक्तिके गोपनियता हुइना जरुरी रहलफे उहाँ बटैलै ।

फाया नेपालके अध्यक्ष गोमा आचार्य सामाजिक संजालसे हिंसा हुुइटी रहल मने बाहेर आई नैसेकल बटैली । सामाजिक संजालमे भिडियो ओ फोटु पठाके बाग्रेनिङ करटी रहल बटैली । विदेशमे गोसिया रहल महिलाहुकनहे सामाजिक संजालमार्फत गैर पुरुषसे हिंसा करटी रहल बटैली ।

गैरसस महासंघ सुदूरपश्चिम प्रदेश अध्यक्ष देवी खनाल अपनेफे पैसा पठाडेउ कहिके क्यूआर पठाके बारबार म्यासेज आइल मने पाछे जाके बुझे फरल हयाक कैके पैसा मागल बटैलै ।

पत्रकार उन्नती चौधरी डिजिटल हिसा सम्बन्धी कानूनमे सजाय कम रहल कहटी संशोधन करेक पर्ना बटैली । उहाँ कहली, साइवर अपराध करुइया विरुद्ध उजुरी डारेबेला ढेर सजाय जरिवाना कम रहल बटैली । २०६३ सालमे बनल कानून अभिन संशोधन नैहुके अपराध बह्रटी रहल बटैली ।

ओरेक नेपालके जिल्ला संयोजक गीता चौधरी डिजिटल हिंसामे परल महिलाके उजुरी अइटी रहल बटैली । कानूनमे ओटरा कर्रा सजाय नैहुके पाछे जाके मेलमिलाप करैना बाध्यता रहल बटैली ।

लैङिक तथा अल्पसंख्यक समुदायके धनबहादुर चौधरी अपन समुदायहेफे डिजिटल हिंसा हुइटी रहल बटैलै । सामुदायिक प्रहरी कार्यालयके हरिमाया बम विदेशसे नेपालीहुक्रे यहाँ संघरिया बनाके पाछे टमान प्रलोभनमे परटी रहल बटैली । उहाँ आपनहे समेट ठगे खोजल बटैली । ओस्टेक करके पार्वती भट्ट जोशी बैकसे राष्ट्रिय परिचयपत्र मागके बारम्बर सटाइल मने अपने बैक जाके पुछेबेर सत्यता नैरहल बटैली ।

कार्यक्रममे इन्सेकके मैनामोती चौधरी, पदम सापकोटालगायत डिजिटल हिंसा बह्रटी रहल बटैलै । कार्यक्रम मानव अधिकारका लागि महिला एकल महिला समुहके जिल्ला उपाध्यक्ष धना पाठकके अध्यक्षतामे हुइल कार्यक्रममे सहजीकरण मानव अधिकारका लागि महिला एकल महिला समुहके सुदूरपश्चिम प्रदेश कार्यक्रम अधिकृत वेद अवस्थी करल रहिट ।