दुई लाख ४१ हजार बराबरके सामान नियन्त्रणमे

पहुरा समाचारदाता
धनगढी, २७ सावन । कैलाली ओ कञ्चनपुर जिल्लाके टमान ठाउँसे अवैध रुपमे भारतसे भन्सार छलि करके ल्यानल दुई लाख ४१ हजार १ सय सामान नियन्त्रणमे लेहल बा ।

कैलाली जिल्लाके टमान ठाउँसे अवैध रुपमे भारतसे भन्सार छलि करके ल्यानल अन्दाजी मूल्य रु.१ लाख २३ हजार १ सय १० रुपयाँ बराबरके मिठाई, भुठल चना, सुर्ती ओ किराना लगायतके सामानहे मंगरके जिल्ला प्रहरी कार्यालय कैलाली ओ मातहत कार्यालयसे खटल प्रहरी टोलीसे बेवारिसे अवस्थामे फेला पारके नियन्त्रणमे लेहल बा ।

कञ्चनपुर जिल्ला भिमदत्त न.पा.११ गड्डाचौकी बजार स्थीत महेन्द्र राजमार्गसे अवैध रुपमे भारतसे भन्सार छलि करके ल्यानल अन्दाजी मूल्य रु. १ लाख १८ हजार बराबरके रेडीमेट कपडा, साडी, सुट ओ कुर्ती लगायतके सामानहे मंगरके इलाका प्रहरी कार्यालय गड्डाचौकी, कञ्चनपुरसे खटल प्रहरी टोलीसे बेवारिसे अवस्थामे फेला पारके नियन्त्रणमे लेहल बा ।